B0102051229dhātubhājanīyakathā（元素容器經）

Dhātubhājanīyakathā

1.

Mahāgotamo jinavaro, kusināramhi nibbuto;

Dhātuvitthārikaṃ āsi, tesu tesu padesato.

2.

Eko ajātasattussa, eko vesāliyā pure;

Eko kapilavatthusmiṃ, eko ca allakappake.

3.

Eko ca rāmagāmamhi, eko ca veṭhadīpake;

Eko pāveyyake malle, eko ca kosinārake.

4.

Kumbhassa thūpaṃ kāresi, brāhmaṇo doṇasavhayo;

Aṅgārathūpaṃ kāresuṃ, moriyā tuṭṭhamānasā.

5.

Aṭṭha sārīrikā thūpā, navamo kumbhacetiyo;

Aṅgārathūpo dasamo, tadāyeva patiṭṭhito.

6.

Uṇhīsaṃ catasso dāṭhā, akkhakā dve ca dhātuyo;

Asambhinnā imā satta, sesā bhinnāva dhātuyo.

7.

Mahantā muggamattā ca [muggamāsāva (ka.)], majjhimā bhinnataṇḍulā;

Khuddakā sāsapamattā ca, nānāvaṇṇā ca dhātuyo.

8.

Mahantā suvaṇṇavaṇṇā ca, muttavaṇṇā ca majjhimā;

Khuddakā makulavaṇṇā ca, soḷasadoṇamattikā.

9.

Mahantā pañca nāḷiyo, nāḷiyo pañca majjhimā;

Khuddakā cha nāḷī ceva, etā sabbāpi dhātuyo.

10.

Uṇhīsaṃ sīhaḷe dīpe, brahmaloke ca vāmakaṃ;

Sīhaḷe dakkhiṇakkhañca, sabbāpetā patiṭṭhitā.

11.

Ekā dāṭhā tidasapure, ekā nāgapure ahu;

Ekā gandhāravisaye, ekā kaliṅgarājino.

12.

Cattālīsasamā dantā, kesā lomā ca sabbaso;

Devā hariṃsu ekekaṃ, cakkavāḷaparamparā.

13.

Vajirāyaṃ bhagavato, patto daṇḍañca cīvaraṃ;

Nivāsanaṃ kulaghare, paccattharaṇaṃ kapilavhaye [silavhaye (syā.)].

14.

Pāṭaliputtapuramhi, karaṇaṃ kāyabandhanaṃ;

Campāyudakasāṭiyaṃ, uṇṇalomañca kosale.

15.

Kāsāvaṃ brahmaloke ca, veṭhanaṃ tidase pure;

Nisīdanaṃ avantīsu, raṭṭhe [devaraṭṭhe (syā.)] attharaṇaṃ tadā.

16.

Araṇī ca mithilāyaṃ, videhe parisāvanaṃ;

Vāsi sūcigharañcāpi, indapatthapure tadā.

17.

Parikkhārā avasesā, janapade aparantake;

Paribhuttāni muninā, akaṃsu manujā tadā.

舍利分配之談 1. 大乘勝者喬達摩，在拘尸那羅涅槃；舍利廣為分散開，遍及諸多不同處。 2. 一份予阿阇世王，一份毗舍離城中；一份迦毗羅衛城，一份予阿拉卡帕。 3. 一份予羅摩村中，一份予韋塔島上；一份予波婆城末羅，一份予拘尸那羅。 4. 銅甕塔由名喚檀那，婆羅門親自修建；摩利耶人歡喜心，建造香火灰塔婆。 5. 八座舍利靈塔婆，第九銅甕之塔婆；第十香火灰塔婆，當時一併皆建成。 6. 頭冠與四顆牙齒，及其兩枚鎖骨骸；此七舍利未破碎，其餘舍利皆碎分。 7. 大者如綠豆般大，中等大如碎米粒；小者如芥子般小，舍利色相各不同。 8. 大者呈現金色澤，中等如珍珠般白；小者如花蕾般色，共計十六銅甕量。 9. 大者量有五那利，中等亦有五那利；小者量有六那利，此為舍利總數量。 10. 頭冠安置錫蘭島（斯里蘭卡），左眼安於梵天界；右眼供奉錫蘭島，這些皆已安置妥。 11. 一牙供奉忉利天，一牙龍城（今緬甸）中安置；一牙健陀羅國中，一牙迦陵伽王處。 12. 四十顆牙齒完整，鬚髮毛髮皆具存；諸天各取其一份，環繞世界層層傳。 13. 世尊金剛杵法器，缽盂法杖與袈裟；內衣供奉貴族家，坐具迦毗羅衛城。 14. 華氏城（今印度巴特那）中有腰帶，缽羅城有沐浴衣，憍薩羅有羊毛衣。 15. 袈裟供奉梵天界，頭巾奉于忉利天；坐墊安置阿凡提，彼時鋪具亦在此。 16. 鉆木具在彌提羅，濾水器在毗提訶；斧頭針筒諸法器，當時供奉因陀羅。 17. 其餘一切隨身物，邊地眾人得供奉；牟尼生前所用物，眾人如是作供養。

18.

Dhātuvitthārikaṃ āsi, gotamassa mahesino;

Pāṇīnaṃ anukampāya, ahu porāṇikaṃ tadāti.

Dhātubhājanīyakathā niṭṭhitā.

Buddhavaṃsoniṭṭhito.

18. 偉大智者喬達摩，舍利廣為人分散；為憐憫諸眾生故，此為古時之典記。舍利分配之談完畢。佛種姓傳完畢。