B0102050505pārāyanavaggo（彼岸道品）
- Pārāyanavaggo
Vatthugāthā
982.
Kosalānaṃ purā rammā, agamā dakkhiṇāpathaṃ;
Ākiñcaññaṃ patthayāno, brāhmaṇo mantapāragū.
983.
So assakassa visaye, aḷakassa [muḷakassa (syā.), mūḷhakassa (ka.), maḷakassa (niddesa)] samāsane;
Vasi godhāvarīkūle, uñchena ca phalena ca.
984.
Tasseva upanissāya, gāmo ca vipulo ahu;
Tato jātena āyena, mahāyaññamakappayi.
985.
Mahāyaññaṃ yajitvāna, puna pāvisi assamaṃ;
Tasmiṃ paṭipaviṭṭhamhi, añño āgañchi brāhmaṇo.
986.
Ugghaṭṭapādo tasito [tassito (ka.)], paṅkadanto rajassiro;
So ca naṃ upasaṅkamma, satāni pañca yācati.
987.
Tamenaṃ bāvarī disvā, āsanena nimantayi;
Sukhañca kusalaṃ pucchi, idaṃ vacanamabravi.
988.
『『Yaṃ kho mama deyyadhammaṃ, sabbaṃ visajjitaṃ mayā;
Anujānāhi me brahme, natthi pañcasatāni me』』.
989.
『『Sace me yācamānassa, bhavaṃ nānupadassati;
Sattame divase tuyhaṃ, muddhā phalatu sattadhā』』.
990.
Abhisaṅkharitvā kuhako, bheravaṃ so akittayi;
Tassa taṃ vacanaṃ sutvā, bāvarī dukkhito ahu.
991.
Ussussati anāhāro, sokasallasamappito;
Athopi evaṃ cittassa, jhāne na ramatī mano.
992.
Utrastaṃ dukkhitaṃ disvā, devatā atthakāminī;
Bāvariṃ upasaṅkamma, idaṃ vacanamabravi.
993.
『『Na so muddhaṃ pajānāti, kuhako so dhanatthiko;
Muddhani muddhapāte vā, ñāṇaṃ tassa na vijjati』』.
994.
『『Bhotī carahi jānāsi, taṃ me akkhāhi pucchitā;
Muddhaṃ muddhādhipātañca, taṃ suṇoma vaco tava』』.
995.
『『Ahampetaṃ na jānāmi, ñāṇamettha na vijjati;
Muddhani muddhādhipāte ca, jinānaṃ hettha [muddhaṃ muddhādhipāto ca, jinānaṃ heta (sī. syā. pī.)] dassanaṃ』』.
996.
『『Atha ko carahi jānāti, asmiṃ pathavimaṇḍale [puthavimaṇḍale (sī. pī.)];
Muddhaṃ muddhādhipātañca, taṃ me akkhāhi devate』』.
997.
『『Purā kapilavatthumhā, nikkhanto lokanāyako;
Apacco okkākarājassa, sakyaputto pabhaṅkaro.
998.
『『So hi brāhmaṇa sambuddho, sabbadhammāna pāragū;
Sabbābhiññābalappatto, sabbadhammesu cakkhumā;
Sabbakammakkhayaṃ patto, vimutto upadhikkhaye.
999.
『『Buddho so bhagavā loke, dhammaṃ deseti cakkhumā;
Taṃ tvaṃ gantvāna pucchassu, so te taṃ byākarissati』』.
1000.
Sambuddhoti vaco sutvā, udaggo bāvarī ahu;
Sokassa tanuko āsi, pītiñca vipulaṃ labhi.
1001.
So bāvarī attamano udaggo, taṃ devataṃ pucchati vedajāto;
『『Katamamhi gāme nigamamhi vā pana, katamamhi vā janapade lokanātho;
Yattha gantvāna passemu [gantvā namassemu (sī. syā. pī.)], sambuddhaṃ dvipaduttamaṃ』』 [dvipaduttamaṃ (sī. syā. pī.)],.
1002.
『『Sāvatthiyaṃ kosalamandire jino, pahūtapañño varabhūrimedhaso;
So sakyaputto vidhuro anāsavo, muddhādhipātassa vidū narāsabho』』.
1003.
Tato āmantayī sisse, brāhmaṇe mantapārage;
『『Etha māṇavā akkhissaṃ, suṇātha vacanaṃ mama.
1004.
『『Yasseso dullabho loke, pātubhāvo abhiṇhaso;
Svājja lokamhi uppanno, sambuddho iti vissuto;
Khippaṃ gantvāna sāvatthiṃ, passavho dvipaduttamaṃ』』.
1005.
『『Kathaṃ carahi jānemu, disvā buddhoti brāhmaṇa;
Ajānataṃ no pabrūhi, yathā jānemu taṃ mayaṃ』』.
波羅延品 序偈 從迷人的拘薩羅國，他前往南方； 這位精通咒語的婆羅門，追尋無所有。 他在阿薩卡地區，阿拉卡的鄰近； 住在果達瓦利河岸，以拾穗與果實為生。 依靠他的居住，村落變得興旺； 以此所得收入，舉行了大祭祀。 完成大祭祀后，他又回到精舍； 當他剛剛回返時，另一婆羅門來訪。 腳步疲憊口渴，牙齒沾泥發蓬亂； 他走近婆婆利，乞求五百錢幣。 婆婆利見他至，邀請其就座； 問候平安健康，說出這番話。 "我所有可施之物，已全部佈施； 請原諒我婆羅門，我無五百錢。" "如果對我的請求，您不予施與； 七日之內必定，你頭裂七塊。" 詭計多端的騙子，說出恐怖詛咒； 聽聞這些話語，婆婆利憂愁。 不食而日漸憔悴，為憂箭所中； 即便心如此狀，靜慮亦無樂。 見他驚恐痛苦，一位善意天神； 走近婆婆利前，說出這番話。 "他不知頭為何，只是貪財者； 關於頭與頭破，他毫無智慧。" "尊者若真知曉，請為我解說； 何為頭與頭破，愿聞您教誨。" "我也不知此事，我無此智慧； 關於頭與頭破，唯勝者知見。" "那麼究竟是誰，在這大地上； 知曉頭與頭破，請告訴我天神。" "從迦毗羅衛城（今尼泊爾藍毗尼），出世世間導師； 甘蔗王的後裔，釋迦族之子，光明之主。" "他是正等覺者，通達一切法； 具足神通力，于諸法具眼； 滅盡一切業，解脫諸執取。" "彼佛世尊在世間，具眼者說法； 你去向他請教，他必為你解答。" 聽聞"正等覺"言，婆婆利歡喜； 憂愁漸漸消退，獲得廣大喜。 婆婆利心滿意足歡喜，生起智慧問天神； "在哪個村鎮城市中，在哪片土地上有世間導師； 我們該往何處去，瞻仰兩足尊最上正等覺。" "勝者住舍衛城（今印度北方邦斯拉瓦斯提）憍薩羅國， 具廣大智慧最勝聰睿； 他是釋迦之子無漏者， 知曉頭破之事人中牛。" 於是他召集弟子，通曉咒語的婆羅門； "來吧年輕人們，我說你們聽。 "世間難得見，其數數現世； 今日出現於世間，名聲遠揚為正覺； 速往舍衛城，得見兩足尊。" "我們如何得知，見到是佛陀婆羅門； 我等不知請告知，如何得知是他。"
1006.
『『Āgatāni hi mantesu, mahāpurisalakkhaṇā;
Dvattiṃsāni ca [dvittiṃsā ca (sī. syā. pī.), dvittiṃsa tāni (?)] byākkhātā, samattā anupubbaso.
1007.
『『Yassete honti gattesu, mahāpurisalakkhaṇā;
Dveyeva tassa gatiyo, tatiyā hi na vijjati.
1008.
『『Sace agāraṃ āvasati [ajjhāvasati (ka.)], vijeyya pathaviṃ imaṃ;
Adaṇḍena asatthena, dhammenamanusāsati.
1009.
『『Sace ca so pabbajati, agārā anagāriyaṃ;
Vivaṭṭacchado [vivattachaddo (sī.)] sambuddho, arahā bhavati anuttaro.
1010.
『『Jātiṃ gottañca lakkhaṇaṃ, mante sisse punāpare;
Muddhaṃ muddhādhipātañca, manasāyeva pucchatha.
1011.
『『Anāvaraṇadassāvī, yadi buddho bhavissati;
Manasā pucchite pañhe, vācāya vissajessati』』.
1012.
Bāvarissa vaco sutvā, sissā soḷasa brāhmaṇā;
Ajito tissametteyyo, puṇṇako atha mettagū.
1013.
Dhotako upasīvo ca, nando ca atha hemako;
Todeyyakappā dubhayo, jatukaṇṇī ca paṇḍito.
1014.
Bhadrāvudho udayo ca, posālo cāpi brāhmaṇo;
Mogharājā ca medhāvī, piṅgiyo ca mahāisi.
1015.
Paccekagaṇino sabbe, sabbalokassa vissutā;
Jhāyī jhānaratā dhīrā, pubbavāsanavāsitā.
1016.
Bāvariṃ abhivādetvā, katvā ca naṃ padakkhiṇaṃ;
Jaṭājinadharā sabbe, pakkāmuṃ uttarāmukhā.
1017.
Aḷakassa patiṭṭhānaṃ, purimāhissatiṃ [purimaṃ māhissatiṃ (sī. pī.), puraṃ māhissatiṃ (syā.)] tadā;
Ujjeniñcāpi gonaddhaṃ, vedisaṃ vanasavhayaṃ.
1018.
Kosambiñcāpi sāketaṃ, sāvatthiñca puruttamaṃ;
Setabyaṃ kapilavatthuṃ, kusinārañca mandiraṃ.
1019.
Pāvañca bhoganagaraṃ, vesāliṃ māgadhaṃ puraṃ;
Pāsāṇakaṃ cetiyañca, ramaṇīyaṃ manoramaṃ.
1020.
Tasitovudakaṃ sītaṃ, mahālābhaṃva vāṇijo;
Chāyaṃ ghammābhitattova, turitā pabbatamāruhuṃ.
1021.
Bhagavā tamhi samaye, bhikkhusaṅghapurakkhato;
Bhikkhūnaṃ dhammaṃ deseti, sīhova nadatī vane.
1022.
Ajito addasa buddhaṃ, sataraṃsiṃ [vītaraṃsiṃva (syā.), sataraṃsīva (ka.), pītaraṃsīva (niddesa)] va bhāṇumaṃ;
Candaṃ yathā pannarase, pāripūriṃ upāgataṃ.
1023.
Athassa gatte disvāna, paripūrañca byañjanaṃ;
Ekamantaṃ ṭhito haṭṭho, manopañhe apucchatha.
1024.
『『Ādissa jammanaṃ [jappanaṃ (ka.)] brūhi, gottaṃ brūhi salakkhaṇaṃ [brūhissa lakkhaṇaṃ (niddesa)];
Mantesu pāramiṃ brūhi, kati vāceti brāhmaṇo』』.
1025.
『『Vīsaṃ vassasataṃ āyu, so ca gottena bāvarī;
Tīṇissa lakkhaṇā gatte, tiṇṇaṃ vedāna pāragū.
1026.
『『Lakkhaṇe itihāse ca, sanighaṇḍusakeṭubhe;
Pañcasatāni vāceti, sadhamme pāramiṃ gato』』.
1027.
『『Lakkhaṇānaṃ pavicayaṃ, bāvarissa naruttama;
Kaṅkhacchida [taṇhacchida (bahūsu)] pakāsehi, mā no kaṅkhāyitaṃ ahu』』.
1028.
『『Mukhaṃ jivhāya chādeti, uṇṇassa bhamukantare;
Kosohitaṃ vatthaguyhaṃ, evaṃ jānāhi māṇava』』.
1029.
Pucchañhi kiñci asuṇanto, sutvā pañhe viyākate;
Vicinteti jano sabbo, vedajāto katañjalī.
1030.
『『Ko nu devo vā brahmā vā, indo vāpi sujampati;
Manasā pucchite pañhe, kametaṃ paṭibhāsati.
1031.
『『Muddhaṃ muddhādhipātañca, bāvarī paripucchati;
Taṃ byākarohi bhagavā, kaṅkhaṃ vinaya no ise』』.
1032.
『『Avijjā muddhāti jānāhi, vijjā muddhādhipātinī;
Saddhāsatisamādhīhi, chandavīriyena saṃyutā』』.
"在聖典中已說明，大人相的特徵； 完整地依次說明，三十二種相。 "若人身上具足，這些大人相； 只有兩種去處，第三則不存。 "若居住在家中，必能統領大地； 不用刑罰武器，以正法來治理。 "若他選擇出家，離俗入無家； 揭開遮蔽正覺，成無上應供。 "關於生族相貌，及經典弟子事； 頭顱與頭破事，且用心意發問。 "若他是佛陀時，具無障礙見； 心意所問之事，必以言語解答。" 聽聞婆婆利言，十六婆羅門； 阿耆多帝須彌多，富樓那與彌多求。 度多迦優波私婆，難陀以及醯摩迦； 都提耶雙迦巴，聰慧的阇都干耳。 跋陀羅浮陀耶，還有婆羅門波娑羅； 聰慧的目犍連，及大仙人賓耆耶。 各自都有追隨者，名聲傳遍世間； 禪修樂於靜慮，皆具宿世善習。 向婆婆利禮敬，右繞禮畢后； 身披結鬃皮衣，向北方而去。 經阿拉卡城，當時至摩醯沙提（今印度中央邦曼德索爾）； 又至郁阇尼（今印度中央邦吳賈因）和瞿那達，毗提舍與林城。 經拘睒毗和娑雞多，最勝城舍衛（今印度北方邦斯拉瓦斯提）； 設多毗耶迦毗羅衛（今尼泊爾藍毗尼），至拘尸那迦羅（今印度北方邦庫希那加爾）。 經波婆富饒城，毗舍離摩揭陀（今印度比哈爾邦）； 至巴薩那迦塔，那令人心喜之處。 如口渴求冷水，如商人求大利； 如暑熱求樹蔭，他們急登山峰。 那時候世尊在，比丘僧眾前首； 為比丘說法音，如林中獅子吼。 阿耆多見佛陀，如百光照耀日； 又如十五月圓，圓滿無缺時。 見到他身相，及圓滿相好； 歡喜立一旁，心意發問詢。 "請說他年壽幾何，姓氏相貌為何人； 通達幾多聖典教，授徒弟子有幾多？" "壽有一百二十歲，其姓為婆婆利； 身上具三種相，通達三吠陀。 "于相書歷史，及字彙聲明； 教導五百人，于正法通達。" "請為我等說，婆婆利相貌， 斷除我等疑，人中最尊者。" "舌能覆面容，眉間生白毫； 陰處如馬藏，如是知青年。" 雖未聽見有問，卻聞答問語； 眾人皆思維，生智合掌立。 "是天或梵天，抑或帝釋天； 心中默問事，誰能如是答？ "婆婆利所問，頭破頭為何； 請世尊解說，除我等疑惑。" "應知頭為無明，智慧能破頭； 信念與正定，精進欲相應。"
1033.
Tato vedena mahatā, santhambhitvāna māṇavo;
Ekaṃsaṃ ajinaṃ katvā, pādesu sirasā pati.
1034.
『『Bāvarī brāhmaṇo bhoto, saha sissehi mārisa;
Udaggacitto sumano, pāde vandati cakkhuma』』.
1035.
『『Sukhito bāvarī hotu, saha sissehi brāhmaṇo;
Tvañcāpi sukhito hohi, ciraṃ jīvāhi māṇava.
1036.
『『Bāvarissa ca tuyhaṃ vā, sabbesaṃ sabbasaṃsayaṃ;
Katāvakāsā pucchavho, yaṃ kiñci manasicchatha』』.
1037.
Sambuddhena katokāso, nisīditvāna pañjalī;
Ajito paṭhamaṃ pañhaṃ, tattha pucchi tathāgataṃ.
Vatthugāthā niṭṭhitā.
- Ajitamāṇavapucchā
1038.
『『Kenassu nivuto loko, (iccāyasmā ajito)
Kenassu nappakāsati;
Kissābhilepanaṃ brūsi, kiṃsu tassa mahabbhayaṃ』』.
1039.
『『Avijjāya nivuto loko, (ajitāti bhagavā)
Vevicchā pamādā nappakāsati;
Jappābhilepanaṃ brūmi, dukkhamassa mahabbhayaṃ』』.
1040.
『『Savanti sabbadhi sotā, (iccāyasmā ajito)
Sotānaṃ kiṃ nivāraṇaṃ;
Sotānaṃ saṃvaraṃ brūhi, kena sotā pidhiyyare』』 [pithiyyare (sī. syā. pī.), pithīyare (sī. aṭṭha.), pidhīyare (?)].
1041.
『『Yāni sotāni lokasmiṃ, (ajitāti bhagavā)
Sati tesaṃ nivāraṇaṃ;
Sotānaṃ saṃvaraṃ brūmi, paññāyete pidhiyyare』』.
1042.
『『Paññā ceva sati yañca [satī ceva (sī.), satī ca (syā.), satī cāpi (pī. niddesa), sati cāpi (niddesa)], (iccāyasmā ajito)
Nāmarūpañca mārisa;
Etaṃ me puṭṭho pabrūhi, katthetaṃ uparujjhati』』.
1043.
『『Yametaṃ pañhaṃ apucchi, ajita taṃ vadāmi te;
Yattha nāmañca rūpañca, asesaṃ uparujjhati;
Viññāṇassa nirodhena, etthetaṃ uparujjhati』』.
1044.
『『Ye ca saṅkhātadhammāse, ye ca sekhā puthū idha;
Tesaṃ me nipako iriyaṃ, puṭṭho pabrūhi mārisa』』.
1045.
『『Kāmesu nābhigijjheyya, manasānāvilo siyā;
Kusalo sabbadhammānaṃ, sato bhikkhu paribbaje』』ti.
Ajitamāṇavapucchā paṭhamā niṭṭhitā.
- Tissametteyyamāṇavapucchā
1046.
『『Kodha santusito loke, (iccāyasmā tissametteyyo)
Kassa no santi iñjitā;
Ko ubhantamabhiññāya, majjhe mantā na lippati [limpati (ka.)];
Kaṃ brūsi mahāpurisoti, ko idha sibbinimaccagā』』.
1047.
『『Kāmesu brahmacariyavā, (metteyyāti bhagavā)
Vītataṇho sadā sato;
Saṅkhāya nibbuto bhikkhu, tassa no santi iñjitā.
1048.
『『So ubhantamabhiññāya, majjhe mantā na lippati;
Taṃ brūmi mahāpurisoti, so idha sibbinimaccagā』』ti.
Tissametteyyamāṇavapucchā dutiyā niṭṭhitā.
- Puṇṇakamāṇavapucchā
1049.
『『Anejaṃ mūladassāviṃ, (iccāyasmā puṇṇako)
Atthi [atthī (syā.)] pañhena āgamaṃ;
Kiṃ nissitā isayo manujā, khattiyā brāhmaṇā devatānaṃ;
Yaññamakappayiṃsu puthūdha loke, pucchāmi taṃ bhagavā brūhi me taṃ』』.
1050.
『『Ye kecime isayo manujā, (puṇṇakāti bhagavā)
Khattiyā brāhmaṇā devatānaṃ;
Yaññamakappayiṃsu puthūdha loke, āsīsamānā puṇṇaka itthattaṃ [itthabhāvaṃ (sī. syā.)];
Jaraṃ sitā yaññamakappayiṃsu』』.
1051.
『『Ye kecime isayo manujā, (iccāyasmā puṇṇako)
Khattiyā brāhmaṇā devatānaṃ;
Yaññamakappayiṃsu puthūdha loke, kaccissu te bhagavā yaññapathe appamattā;
Atāruṃ jātiñca jarañca mārisa, pucchāmi taṃ bhagavā brūhi me taṃ』』.
於是青年以大智慧，振作起自身； 偏袒羊皮衣，頭面禮足下。 "婆婆利婆羅門，與弟子眾等； 心懷大歡喜，禮拜具眼者。" "愿婆婆利與，諸弟子安樂； 你也得安樂，長壽青年人。 "婆婆利和你，以及一切人； 所有諸疑惑，隨意皆可問。" 蒙正覺允許，合掌而安坐； 阿耆多首先，向如來發問。 序偈終 阿耆多學童之問 "何物矇蔽世間（尊者阿耆多如是說） 何故不顯現？ 說何為塗著？何為大恐怖？" "無明矇蔽世間（世尊告阿耆多） 因吝嗇放逸不顯現； 我說渴愛為塗著，苦為大恐怖。" "諸流遍處流（尊者阿耆多如是說） 何物能遮流？ 請說防護流，何物能止流？" "世間所有流（世尊告阿耆多） 正念能遮流； 我說護諸流，以慧能止流。" "智慧與正念（尊者阿耆多如是說） 名色尊者請； 為我解此問，此在何處滅？" "你所問之事，阿耆多我說； 名與色何處，無餘皆滅盡； 因識之滅盡，此處得滅盡。" "已通達諸法，及諸學處者； 請為我解說，賢者如何行？" "不應貪諸欲，心意應清凈； 善巧一切法，具念比丘行。" 阿耆多學童之問第一終 帝須彌勒學童之問 "誰在世知足（尊者帝須彌勒如是說） 誰無有動搖？ 誰知曉兩端，以慧不染著中間？ 誰是大丈夫，誰超越縫合？" "于欲修梵行（世尊告彌勒） 離愛常正念； 比丘經思擇得寂滅，彼無有動搖。 "彼知曉兩端，以慧不染著中間； 我說彼即是大丈夫，彼已超越縫合。" 帝須彌勒學童之問第二終 富樓那學童之問 "見無動根本者（尊者富樓那如是說） 我今帶問而來； 諸仙人凡夫，剎帝利婆羅門向諸天； 在此世間廣設祭祀，我問世尊請為說明。" "所有諸仙人凡夫（世尊告富樓那） 剎帝利婆羅門向諸天； 在此世間廣設祭祀，富樓那希求此有； 依止老而設祭祀。" "所有諸仙人凡夫（尊者富樓那如是說） 剎帝利婆羅門向諸天； 在此世間廣設祭祀，世尊他們于祭祀道不放逸； 是否度脫生與老尊者？我問世尊請為說明。"
1052.
『『Āsīsanti thomayanti, abhijappanti juhanti; (Puṇṇakāti bhagavā)
Kāmābhijappanti paṭicca lābhaṃ, te yājayogā bhavarāgarattā;
Nātariṃsu jātijaranti brūmi』』.
1053.
『『Te ce nātariṃsu yājayogā, (iccāyasmā puṇṇako)
Yaññehi jātiñca jarañca mārisa;
Atha ko carahi devamanussaloke, atāri jātiñca jarañca mārisa;
Pucchāmi taṃ bhagavā brūhi me taṃ』』.
1054.
『『Saṅkhāya lokasmi paroparāni [parovarāni (sī. syā.)], (puṇṇakāti bhagavā)
Yassiñjitaṃ natthi kuhiñci loke;
Santo vidhūmo anīgho nirāso, atāri so jātijaranti brūmī』』ti.
Puṇṇakamāṇavapucchā tatiyā niṭṭhitā.
- Mettagūmāṇavapucchā
1055.
『『Pucchāmi taṃ bhagavā brūhi me taṃ, (iccāyasmā mettagū)
Maññāmi taṃ vedaguṃ bhāvitattaṃ;
Kuto nu dukkhā samudāgatā ime, ye keci lokasmimanekarūpā』』.
1056.
『『Dukkhassa ve maṃ pabhavaṃ apucchasi, (mettagūti bhagavā)
Taṃ te pavakkhāmi yathā pajānaṃ;
Upadhinidānā pabhavanti dukkhā, ye keci lokasmimanekarūpā.
1057.
『『Yo ve avidvā upadhiṃ karoti, punappunaṃ dukkhamupeti mando;
Tasmā pajānaṃ upadhiṃ na kayirā, dukkhassa jātippabhavānupassī』』.
1058.
『『Yaṃ taṃ apucchimha akittayī no, aññaṃ taṃ pucchāma [pucchāmi (sī. pī.)] tadiṅgha brūhi;
Kathaṃ nu dhīrā vitaranti oghaṃ, jātiṃ jaraṃ sokapariddavañca;
Taṃ me muni sādhu viyākarohi, tathā hi te vidito esa dhammo』』.
1059.
『『Kittayissāmi te dhammaṃ, (mettagūti bhagavā)
Diṭṭhe dhamme anītihaṃ;
Yaṃ viditvā sato caraṃ, tare loke visattikaṃ』』.
1060.
『『Tañcāhaṃ abhinandāmi, mahesi dhammamuttamaṃ;
Yaṃ viditvā sato caraṃ, tare loke visattikaṃ』』.
1061.
『『Yaṃ kiñci sampajānāsi, (mettagūti bhagavā)
Uddhaṃ adho tiriyañcāpi majjhe;
Etesu nandiñca nivesanañca, panujja viññāṇaṃ bhave na tiṭṭhe.
1062.
『『Evaṃvihārī sato appamatto, bhikkhu caraṃ hitvā mamāyitāni;
Jātiṃ jaraṃ sokapariddavañca, idheva vidvā pajaheyya dukkhaṃ』』.
1063.
『『Etābhinandāmi vaco mahesino, sukittitaṃ gotamanūpadhīkaṃ;
Addhā hi bhagavā pahāsi dukkhaṃ, tathā hi te vidito esa dhammo.
1064.
『『Te cāpi nūnappajaheyyu dukkhaṃ, ye tvaṃ muni aṭṭhitaṃ ovadeyya;
Taṃ taṃ namassāmi samecca nāga, appeva maṃ bhagavā aṭṭhitaṃ ovadeyya』』.
1065.
『『Yaṃ brāhmaṇaṃ vedagumābhijaññā, akiñcanaṃ kāmabhave asattaṃ;
Addhā hi so oghamimaṃ atāri, tiṇṇo ca pāraṃ akhilo akaṅkho.
1066.
『『Vidvā ca yo [so (sī. syā. pī.)] vedagū naro idha, bhavābhave saṅgamimaṃ visajja;
So vītataṇho anīgho nirāso, atāri so jātijaranti brūmī』』ti.
Mettagūmāṇavapucchā catutthī niṭṭhitā.
- Dhotakamāṇavapucchā
1067.
『『Pucchāmi taṃ bhagavā brūhi me taṃ, (iccāyasmā dhotako)
Vācābhikaṅkhāmi mahesi tuyhaṃ;
Tava sutvāna nigghosaṃ, sikkhe nibbānamattano』』.
1068.
『『Tenahātappaṃ karohi, (dhotakāti bhagavā) idheva nipako sato;
Ito sutvāna nigghosaṃ, sikkhe nibbānamattano』』.
1069.
『『Passāmahaṃ devamanussaloke, akiñcanaṃ brāhmaṇamiriyamānaṃ;
Taṃ taṃ namassāmi samantacakkhu, pamuñca maṃ sakka kathaṃkathāhi』』.
"他們祈望讚頌（世尊告富樓那） 持咒和祭祀；為欲而持咒求得利， 他們依祭祀染著有愛； 我說他們未度生老。" "若他們依祭祀（尊者富樓那如是說） 未度生與老尊者； 那麼天與人世間中，誰能度脫生與老尊者； 我問世尊請為說明。" "於世觀察上下已（世尊告富樓那） 於世間何處無動搖； 寂靜無煙無惱無希求，我說彼已度生老。" 富樓那學童之問第三終 彌多求學童之問 "我問世尊請為說明（尊者彌多求如是說） 我知您通達自修習； 這些種種苦從何而來，世間一切諸多形態？" "你問我苦的根源（世尊告彌多求） 我如實知見為你說； 依止執取為苦源，世間一切諸多形態。 "愚者無知造執取，一再輪迴趨向苦； 故知者不造執取，觀見苦從生而起。" "我們所問您已說，現再問您請解說； 智者如何度暴流，生老憂悲如何度； 牟尼請善為解說，因您已證知此法。" "我為你說此法（世尊告彌多求） 現見非傳聞； 知此具正念行，超越世間著。" "我歡喜此法，大仙最上法； 知此具正念行，超越世間著。" "凡你所了知（世尊告彌多求） 上下及四方； 於此喜住處，除遣識不住。 "如是住具念不放逸，比丘行舍我所有； 生老憂悲苦，智者於此即斷苦。" "我喜大仙言，善說瞿曇無依法； 世尊確實斷諸苦，如是您已證此法。 "他們必能斷諸苦，蒙牟尼指導不懈怠； 我見龍象敬禮您，愿世尊教導我精進。" "若知婆羅門通達者，無所有不著欲有； 他確已度此暴流，度至彼岸無荒穢無疑。 "於此通達智慧人，舍離此有非有著； 彼離愛無惱無求，我說彼度生與老。" 彌多求學童之問第四終 度多迦學童之問 "我問世尊請為說明（尊者度多迦如是說） 大仙我渴仰您言教； 聽聞您的聲音后，學習自己的涅槃。" "因此要精進（世尊告度多迦）於此具慧念； 從此聞聲音，學習自己的涅槃。" "我見天人世界中，無所有婆羅門行； 我禮敬遍眼者，釋迦請解我疑惑。"
1070.
『『Nāhaṃ sahissāmi [samissāmi (syā.), gamissāmi (sī.), samīhāmi (pī.)] pamocanāya, kathaṃkathiṃ dhotaka kañci loke;
Dhammañca seṭṭhaṃ abhijānamāno [ājānamāno (sī. syā. pī.)], evaṃ tuvaṃ oghamimaṃ taresi』』.
1071.
『『Anusāsa brahme karuṇāyamāno, vivekadhammaṃ yamahaṃ vijaññaṃ;
Yathāhaṃ ākāsova abyāpajjamāno, idheva santo asito careyyaṃ』』.
1072.
『『Kittayissāmi te santiṃ, (dhotakāti bhagavā) diṭṭhe dhamme anītihaṃ;
Yaṃ viditvā sato caraṃ, tare loke visattikaṃ』』.
1073.
『『Tañcāhaṃ abhinandāmi, mahesi santimuttamaṃ;
Yaṃ viditvā sato caraṃ, tare loke visattikaṃ』』.
1074.
『『Yaṃ kiñci sampajānāsi, (dhotakāti bhagavā)
Uddhaṃ adho tiriyañcāpi majjhe;
Etaṃ viditvā saṅgoti loke, bhavābhavāya mākāsi taṇha』』nti.
Dhotakamāṇavapucchā pañcamī niṭṭhitā.
- Upasīvamāṇavapucchā
1075.
『『Eko ahaṃ sakka mahantamoghaṃ, (iccāyasmā upasīvo)
Anissito no visahāmi tārituṃ;
Ārammaṇaṃ brūhi samantacakkhu, yaṃ nissito oghamimaṃ tareyyaṃ』』.
1076.
『『Ākiñcaññaṃ pekkhamāno satimā, (upasīvāti bhagavā)
Natthīti nissāya tarassu oghaṃ;
Kāme pahāya virato kathāhi, taṇhakkhayaṃ nattamahābhipassa』』 [rattamahābhipassa (syā.), rattamahaṃ vipassa (ka.)].
1077.
『『Sabbesu kāmesu yo vītarāgo, (iccāyasmā upasīvo)
Ākiñcaññaṃ nissito hitvā maññaṃ;
Saññāvimokkhe parame vimutto [dhimutto (ka.)], tiṭṭhe nu so tattha anānuyāyī』』 [anānuvāyī (syā. ka.)].
1078.
『『Sabbesu kāmesu yo vītarāgo, (upasīvāti bhagavā)
Ākiñcaññaṃ nissito hitvā maññaṃ;
Saññāvimokkhe parame vimutto, tiṭṭheyya so tattha anānuyāyī』』.
1079.
『『Tiṭṭhe ce so tattha anānuyāyī, pūgampi vassānaṃ samantacakkhu;
Tattheva so sītisiyā vimutto, cavetha viññāṇaṃ tathāvidhassa』』.
1080.
『『Accī yathā vātavegena khittā [khittaṃ (syā.), khitto (pī.)], (upasīvāti bhagavā)
Atthaṃ paleti na upeti saṅkhaṃ;
Evaṃ munī nāmakāyā vimutto, atthaṃ paleti na upeti saṅkhaṃ』』.
1081.
『『Atthaṅgato so uda vā so natthi, udāhu ve sassatiyā arogo;
Taṃ me munī sādhu viyākarohi, tathā hi te vidito esa dhammo』』.
1082.
『『Atthaṅgatassa na pamāṇamatthi, (upasīvāti bhagavā)
Yena naṃ vajjuṃ taṃ tassa natthi;
Sabbesu dhammesu samūhatesu, samūhatā vādapathāpi sabbe』』ti.
Upasīvamāṇavapucchā chaṭṭhī niṭṭhitā.
- Nandamāṇavapucchā
1083.
『『Santi loke munayo, (iccāyasmā nando)
Janā vadanti tayidaṃ kathaṃsu;
Ñāṇūpapannaṃ no muniṃ [muni no (syā. ka.)] vadanti, udāhu ve jīvitenūpapannaṃ』』.
1084.
『『Na diṭṭhiyā na sutiyā na ñāṇena, (na sīlabbatena) [( ) natthi sī.-pī potthakesu]
Munīdha nanda kusalā vadanti;
Visenikatvā anīghā nirāsā, caranti ye te munayoti brūmi』』.
1085.
『『Ye kecime samaṇabrāhmaṇāse, (iccāyasmā nando)
Diṭṭhassutenāpi [diṭṭhena sutenāpi (sī.), diṭṭhe sutenāpi (syā. pī. ka.)] vadanti suddhiṃ;
Sīlabbatenāpi vadanti suddhiṃ, anekarūpena vadanti suddhiṃ;
Kaccissu te bhagavā tattha yatā carantā, atāru jātiñca jarañca mārisa;
Pucchāmi taṃ bhagavā brūhi me taṃ』』.
"我不能解脫任何（世尊告度多迦），世間有疑惑者； 但當知最勝法，如是度此暴流。" "請慈悲教導我，使我知離欲法； 如虛空無障礙，此地寂靜安住。" "我為你說寂靜（世尊告度多迦），現見非傳聞； 知此具正念行，超越世間著。" "我歡喜此法，大仙最上寂； 知此具正念行，超越世間著。" "凡你所了知（世尊告度多迦） 上下及四方； 知此為世著，莫貪有非有。" 度多迦學童之問第五終 優波私婆學童之問 "我獨自釋迦大暴流（尊者優波私婆如是說） 無所依不能度越； 請說所緣遍眼者，依止何能度暴流。" "觀察無所有具念（世尊告優波私婆） 依止'無'度暴流； 舍欲離諸論，晝夜見愛盡。" "于諸欲離貪（尊者優波私婆如是說） 依無所有舍其他； 解脫最上想，住此無隨從？" "于諸欲離貪（世尊告優波私婆） 依無所有舍其他； 解脫最上想，可住無隨從。" "若住此無隨從，經多年遍眼者； 彼處得清涼解脫，如是人識會消失？" "如火為風吹（世尊告優波私婆） 消逝不可數； 牟尼離名身，消逝不可數。" "彼已滅或全無有，或永恒無病存； 請牟尼善為解說，因您已證知此法。" "已滅無可量（世尊告優波私婆） 無可說其事； 一切法斷除，諸言路亦絕。" 優波私婆學童之問第六終 難陀學童之問 "世有牟尼者（尊者難陀如是說） 人說此云何； 說具智為牟尼，或依生活稱？" "非見聞與智（非戒禁）（世尊說） 難陀善者不說為牟尼； 離軍無惱無希求，彼等行者我說是牟尼。" "所有沙門婆羅門（尊者難陀如是說） 說見聞得清凈； 說戒禁得清凈，說種種得清凈； 世尊他們如是行持，是否度脫生與老尊者； 我問世尊請為說明。"
1086.
『『Ye kecime samaṇabrāhmaṇāse, (nandāti bhagavā)
Diṭṭhassutenāpi vadanti suddhiṃ;
Sīlabbatenāpi vadanti suddhiṃ, anekarūpena vadanti suddhiṃ;
Kiñcāpi te tattha yatā caranti, nāriṃsu jātijaranti brūmi』』.
1087.
『『Ye kecime samaṇabrāhmaṇāse, (iccāyasmā nando)
Diṭṭhassutenāpi vadanti suddhiṃ;
Sīlabbatenāpi vadanti suddhiṃ, anekarūpena vadanti suddhiṃ;
Te ce muni [sace muni (sī.)] brūsi anoghatiṇṇe, atha ko carahi devamanussaloke;
Atāri jātiñca jarañca mārisa, pucchāmi taṃ bhagavā brūhi me taṃ』』.
1088.
『『Nāhaṃ sabbe samaṇabrāhmaṇāse, (nandāti bhagavā)
Jātijarāya nivutāti brūmi;
Ye sīdha diṭṭhaṃva sutaṃ mutaṃ vā, sīlabbataṃ vāpi pahāya sabbaṃ;
Anekarūpampi pahāya sabbaṃ, taṇhaṃ pariññāya anāsavāse;
Te ve narā oghatiṇṇāti brūmi』』.
1089.
『『Etābhinandāmi vaco mahesino, sukittitaṃ gotamanūpadhīkaṃ;
Ye sīdha diṭṭhaṃ va sutaṃ mutaṃ vā, sīlabbataṃ vāpi pahāya sabbaṃ;
Anekarūpampi pahāya sabbaṃ, taṇhaṃ pariññāya anāsavāse;
Ahampi te oghatiṇṇāti brūmī』』ti.
Nandamāṇavapucchā sattamā niṭṭhitā.
- Hemakamāṇavapucchā
1090.
『『Ye me pubbe viyākaṃsu, (iccāyasmā hemako)
Huraṃ gotamasāsanā;
Iccāsi iti bhavissati, sabbaṃ taṃ itihītihaṃ;
Sabbaṃ taṃ takkavaḍḍhanaṃ, nāhaṃ tattha abhiramiṃ.
1091.
『『Tvañca me dhammamakkhāhi, taṇhānigghātanaṃ muni;
Yaṃ viditvā sato caraṃ, tare loke visattikaṃ』』.
1092.
『『Idha diṭṭhasutamutaviññātesu, piyarūpesu hemaka;
Chandarāgavinodanaṃ, nibbānapadamaccutaṃ.
1093.
『『Etadaññāya ye satā, diṭṭhadhammābhinibbutā;
Upasantā ca te sadā, tiṇṇā loke visattika』』nti.
Hemakamāṇavapucchā aṭṭhamā niṭṭhitā.
- Todeyyamāṇavapucchā
1094.
『『Yasmiṃ kāmā na vasanti, (iccāyasmā todeyyo)
Taṇhā yassa na vijjati;
Kathaṃkathā ca yo tiṇṇo, vimokkho tassa kīdiso』』.
1095.
『『Yasmiṃ kāmā na vasanti, (todeyyāti bhagavā)
Taṇhā yassa na vijjati;
Kathaṃkathā ca yo tiṇṇo, vimokkho tassa nāparo』』.
1096.
『『Nirāsaso so uda āsasāno, paññāṇavā so uda paññakappī;
Muniṃ ahaṃ sakka yathā vijaññaṃ, taṃ me viyācikkha samantacakkhu』』.
1097.
『『Nirāsaso so na ca āsasāno, paññāṇavā so na ca paññakappī;
Evampi todeyya muniṃ vijāna, akiñcanaṃ kāmabhave asatta』』nti.
Todeyyamāṇavapucchā navamā niṭṭhitā.
- Kappamāṇavapucchā
1098.
『『Majjhe sarasmiṃ tiṭṭhataṃ, (iccāyasmā kappo)
Oghe jāte mahabbhaye;
Jarāmaccuparetānaṃ, dīpaṃ pabrūhi mārisa;
Tvañca me dīpamakkhāhi, yathāyidaṃ nāparaṃ siyā』』.
1099.
『『Majjhe sarasmiṃ tiṭṭhataṃ, (kappāti bhagavā)
Oghe jāte mahabbhaye;
Jarāmaccuparetānaṃ, dīpaṃ pabrūmi kappa te.
1100.
『『Akiñcanaṃ anādānaṃ, etaṃ dīpaṃ anāparaṃ;
Nibbānaṃ iti [nibbānamīti (sī.)] naṃ brūmi, jarāmaccuparikkhayaṃ.
1101.
『『Etadaññāya ye satā, diṭṭhadhammābhinibbutā;
Na te māravasānugā, na te mārassa paddhagū』』ti [paṭṭhagūti (syā. ka.)].
Kappamāṇavapucchā dasamā niṭṭhitā.
- Jatukaṇṇimāṇavapucchā
1102.
『『Sutvānahaṃ vīramakāmakāmiṃ, (iccāyasmā jatukaṇṇi)
Oghātigaṃ puṭṭhumakāmamāgamaṃ;
Santipadaṃ brūhi sahajanetta, yathātacchaṃ bhagavā brūhi me taṃ.
"所有沙門婆羅門（世尊告難陀） 說見聞得清凈； 說戒禁得清凈，說種種得清凈； 縱使他們如是行持，我說未度生與老。" "所有沙門婆羅門（尊者難陀如是說） 說見聞得清凈； 說戒禁得清凈，說種種得清凈； 牟尼若說他們未度流，那麼天人世間中； 誰能度脫生與老尊者，我問世尊請為說明。" "我不說一切沙門婆羅門（世尊告難陀） 為生老所覆； 於此舍見聞覺知，及一切戒禁； 並捨棄一切種種，遍知愛無漏者； 我說此等人度暴流。" "我歡喜大仙言，善說瞿曇無依法； 於此舍見聞覺知，及一切戒禁； 並捨棄一切種種，遍知愛無漏者； 我也說他們度暴流。" 難陀學童之問第七終 醯摩迦學童之問 "從前為我解說者（尊者醯摩迦如是說） 在瞿曇教法之前； 說'過去如是，未來亦然'，皆是傳聞； 一切增長尋思，我于其中不喜。 "請為我說法，牟尼滅除渴愛； 知此具正念行，超越世間著。" "於此見聞覺識，可愛色醯摩迦； 除去欲貪愛，不死涅槃道。 "知此具正念，現法得寂滅； 永遠得寂靜，度世間執著。" 醯摩迦學童之問第八終 都提耶學童之問 "諸欲不住其中（尊者都提耶如是說） 渴愛于彼無； 度脫諸疑惑，解脫為何種？" "諸欲不住其中（世尊告都提耶） 渴愛于彼無； 度脫諸疑惑，解脫無超越。" "無求抑有求，有慧抑造慧； 釋迦我如何，知牟尼遍眼請說明。" "無求亦非求，有慧非造慧； 都提如是知牟尼，無所有不著欲有。" 都提耶學童之問第九終 迦巴學童之問 "立於湖中央（尊者迦巴如是說） 暴流生大怖； 為老死所逼，請說洲尊者； 請為我說洲，使無再有事。" "立於湖中央（世尊告迦巴） 暴流生大怖； 為老死所逼，迦巴我說洲。 "無所有無取，此洲無超越； 我說此涅槃，老死盡無餘。 "知此具正念，現法得寂滅； 不隨魔力行，不隨魔支配。" 迦巴學童之問第十終 阇都干耳學童之問 "我聞無慾勇者聲（尊者阇都干耳如是說） 來問度流離欲者； 請說寂靜處生眼者，如實世尊為我說。
1103.
『『Bhagavā hi kāme abhibhuyya iriyati, ādiccova pathaviṃ tejī tejasā;
Parittapaññassa me bhūripañña, ācikkha dhammaṃ yamahaṃ vijaññaṃ;
Jātijarāya idha vippahānaṃ』』.
1104.
『『Kāmesu vinaya gedhaṃ, (jatukaṇṇīti bhagavā) nekkhammaṃ daṭṭhu khemato;
Uggahītaṃ nirattaṃ vā, mā te vijjittha kiñcanaṃ.
1105.
『『Yaṃ pubbe taṃ visosehi, pacchā te māhu kiñcanaṃ;
Majjhe ce no gahessasi, upasanto carissasi.
1106.
『『Sabbaso nāmarūpasmiṃ, vītagedhassa brāhmaṇa;
Āsavāssa na vijjanti, yehi maccuvasaṃ vaje』』ti.
Jatukaṇṇimāṇavapucchā ekādasamā niṭṭhitā.
- Bhadrāvudhamāṇavapucchā
1107.
『『Okañjahaṃ taṇhacchidaṃ anejaṃ, (iccāyasmā bhadrāvudho)
Nandiñjahaṃ oghatiṇṇaṃ vimuttaṃ;
Kappañjahaṃ abhiyāce sumedhaṃ, sutvāna nāgassa apanamissanti ito.
1108.
『『Nānājanā janapadehi saṅgatā, tava vīra vākyaṃ abhikaṅkhamānā;
Tesaṃ tuvaṃ sādhu viyākarohi, tathā hi te vidito esa dhammo』』.
1109.
『『Ādānataṇhaṃ vinayetha sabbaṃ, (bhadrāvudhāti bhagavā)
Uddhaṃ adho tiriyañcāpi majjhe;
Yaṃ yañhi lokasmimupādiyanti, teneva māro anveti jantuṃ.
1110.
『『Tasmā pajānaṃ na upādiyetha, bhikkhu sato kiñcanaṃ sabbaloke;
Ādānasatte iti pekkhamāno, pajaṃ imaṃ maccudheyye visatta』』nti.
Bhadrāvudhamāṇavapucchā dvādasamā niṭṭhitā.
- Udayamāṇavapucchā
1111.
『『Jhāyiṃ virajamāsīnaṃ, (iccāyasmā udayo) katakiccaṃ anāsavaṃ;
Pāraguṃ sabbadhammānaṃ, atthi pañhena āgamaṃ;
Aññāvimokkhaṃ pabrūhi, avijjāya pabhedanaṃ』』.
1112.
『『Pahānaṃ kāmacchandānaṃ, (udayāti bhagavā) domanassāna cūbhayaṃ;
Thinassa ca panūdanaṃ, kukkuccānaṃ nivāraṇaṃ.
1113.
『『Upekkhāsatisaṃsuddhaṃ, dhammatakkapurejavaṃ;
Aññāvimokkhaṃ pabrūmi, avijjāya pabhedanaṃ』』.
1114.
『『Kiṃsu saṃyojano loko, kiṃsu tassa vicāraṇaṃ;
Kissassa vippahānena, nibbānaṃ iti vuccati』』.
1115.
『『Nandisaṃyojano loko, vitakkassa vicāraṇaṃ;
Taṇhāya vippahānena, nibbānaṃ iti vuccati』』.
1116.
『『Kathaṃ satassa carato, viññāṇaṃ uparujjhati;
Bhagavantaṃ puṭṭhumāgamma, taṃ suṇoma vaco tava』』.
1117.
『『Ajjhattañca bahiddhā ca, vedanaṃ nābhinandato;
Evaṃ satassa carato, viññāṇaṃ uparujjhatī』』ti.
Udayamāṇavapucchā terasamā niṭṭhitā.
- Posālamāṇavapucchā
1118.
『『Yo atītaṃ ādisati, (iccāyasmā posālo) anejo chinnasaṃsayo;
Pāraguṃ sabbadhammānaṃ, atthi pañhena āgamaṃ.
1119.
『『Vibhūtarūpasaññissa , sabbakāyappahāyino;
Ajjhattañca bahiddhā ca, natthi kiñcīti passato;
Ñāṇaṃ sakkānupucchāmi, kathaṃ neyyo tathāvidho』』.
1120.
『『Viññāṇaṭṭhitiyo sabbā, (posālāti bhagavā) abhijānaṃ tathāgato;
Tiṭṭhantamenaṃ jānāti, vimuttaṃ tapparāyaṇaṃ.
1121.
『『Ākiñcaññasambhavaṃ ñatvā, nandī saṃyojanaṃ iti;
Evametaṃ abhiññāya, tato tattha vipassati;
Etaṃ [evaṃ (syā. ka.)] ñāṇaṃ tathaṃ tassa, brāhmaṇassa vusīmato』』ti.
Posālamāṇavapucchā cuddasamā niṭṭhitā.
- Mogharājamāṇavapucchā
1122.
『『Dvāhaṃ sakkaṃ apucchissaṃ, (iccāyasmā mogharājā)
Na me byākāsi cakkhumā;
Yāvatatiyañca devīsi, byākarotīti me sutaṃ.
1123.
『『Ayaṃ loko paro loko, brahmaloko sadevako;
Diṭṭhiṃ te nābhijānāti, gotamassa yasassino.
"世尊已勝諸欲而行，如日以熱力照大地； 我智慧淺薄廣慧者，請說法使我了知； 於此舍離生與老。" "諸欲除貪著（世尊告阇都干耳），視出離為安穩； 所取或所舍，愿你無一物。 "過去事幹枯，未來勿再有； 若不取現在，寂靜而行止。 "於一切名色，離貪婆羅門； 諸漏皆不存，不隨死魔力。" 阇都干耳學童之問第十一終 跋陀羅浮陀學童之問 "舍家斷愛無動搖（尊者跋陀羅浮陀如是說） 舍喜度流得解脫； 舍分別求見善慧，聞龍象言當離此。 "眾人從諸國土來，渴仰勇士您言教； 請為他們善解說，因您已證知此法。" "應除一切取愛（世尊告跋陀羅浮陀） 上下及四方； 世間所執取，魔即隨其後。 "故知者不取，比丘念無一物於世間； 觀見著于取，此眾陷死域。" 跋陀羅浮陀學童之問第十二終 優陀耶學童之問 "禪修離垢坐（尊者優陀耶如是說），所作已辦無諸漏； 度脫一切法，我帶問而來； 請說智解脫，粉碎無明法。" "斷除欲貪法（世尊告優陀耶），及雙重憂惱； 除去惛沉法，防止掉舉法。 "舍念遍清凈，法尋為先導； 我說智解脫，粉碎無明法。" "何為世系縛，何為其遊蕩； 舍離於何者，稱為涅槃道？" "喜愛為世縛，尋思為遊蕩； 舍離於渴愛，稱為涅槃道。" "具念如何行，識得以滅盡； 我來問世尊，愿聞您教誨。" "內外諸感受，不生喜愛者； 具念如是行，識得以滅盡。" 優陀耶學童之問第十三終 波娑羅學童之問 "能說過去事（尊者波娑羅如是說），無動斷諸疑； 度脫一切法，我帶問而來。 "超越色想者，舍離一切身； 內外皆觀見，無有一物存； 釋迦我問智，如何導引彼？" "一切識住處（世尊告波娑羅），如來皆了知； 知彼安住者，解脫趣彼方。 "知無所有生，喜為繫縛已； 如是遍知已，于彼觀察之； 此為真實智，梵行已立者。" 波娑羅學童之問第十四終 目犍連學童之問 "我曾兩次問釋迦（尊者目犍連如是說） 具眼者未為解說； 傳說若第三請問，天仙即為解說明。 "此世與他世，梵世及天界； 不能知見解，瞿曇具名聲。
1124.
『『Evaṃ abhikkantadassāviṃ, atthi pañhena āgamaṃ;
Kathaṃ lokaṃ avekkhantaṃ, maccurājā na passati』』.
1125.
『『Suññato lokaṃ avekkhassu, mogharāja sadā sato;
Attānudiṭṭhiṃ ūhacca, evaṃ maccutaro siyā;
Evaṃ lokaṃ avekkhantaṃ, maccurājā na passatī』』ti.
Mogharājamāṇavapucchā pannarasamā niṭṭhitā.
- Piṅgiyamāṇavapucchā
1126.
『『Jiṇṇohamasmi abalo vītavaṇṇo, (iccāyasmā piṅgiyo)
Nettā na suddhā savanaṃ na phāsu;
Māhaṃ nassaṃ momuho antarāva
Ācikkha dhammaṃ yamahaṃ vijaññaṃ;
Jātijarāya idha vippahānaṃ』』.
1127.
『『Disvāna rūpesu vihaññamāne, (piṅgiyāti bhagavā)
Ruppanti rūpesu janā pamattā;
Tasmā tuvaṃ piṅgiya appamatto,
Jahassu rūpaṃ apunabbhavāya』』.
1128.
『『Disā catasso vidisā catasso, uddhaṃ adho dasa disā imāyo;
Na tuyhaṃ adiṭṭhaṃ asutaṃ amutaṃ [asutaṃ amutaṃ vā (sī.), asutāmutaṃ vā (syā.), asutaṃ』mutaṃ vā (pī.)], atho aviññātaṃ kiñcanamatthi [kiñci matthi (syā.), kiñci natthi (pī.), kiñcinamatthi (ka.)] loke;
Ācikkha dhammaṃ yamahaṃ vijaññaṃ, jātijarāya idha vippahānaṃ』』.
1129.
『『Taṇhādhipanne manuje pekkhamāno, (piṅgiyāti bhagavā)
Santāpajāte jarasā parete;
Tasmā tuvaṃ piṅgiya appamatto, jahassu taṇhaṃ apunabbhavāyā』』ti.
Piṅgiyamāṇavapucchā soḷasamā niṭṭhitā.
Pārāyanatthutigāthā
Idamavoca bhagavā magadhesu viharanto pāsāṇake cetiye, paricārakasoḷasānaṃ [paricārakasoḷasannaṃ (syā. ka.)] brāhmaṇānaṃ ajjhiṭṭho puṭṭho puṭṭho pañhaṃ [pañhe (sī. pī.)] byākāsi. Ekamekassa cepi pañhassa atthamaññāya dhammamaññāya dhammānudhammaṃ paṭipajjeyya, gaccheyyeva jarāmaraṇassa pāraṃ. Pāraṅgamanīyā ime dhammāti, tasmā imassa dhammapariyāyassa pārāyananteva [pārāyaṇaṃtveva (sī. aṭṭha.)] adhivacanaṃ.
1130.
Ajito tissametteyyo, puṇṇako atha mettagū;
Dhotako upasīvo ca, nando ca atha hemako.
1131.
Todeyya-kappā dubhayo, jatukaṇṇī ca paṇḍito;
Bhadrāvudho udayo ca, posālo cāpi brāhmaṇo;
Mogharājā ca medhāvī, piṅgiyo ca mahāisi.
1132.
Ete buddhaṃ upāgacchuṃ, sampannacaraṇaṃ isiṃ;
Pucchantā nipuṇe pañhe, buddhaseṭṭhaṃ upāgamuṃ.
1133.
Tesaṃ buddho pabyākāsi, pañhe puṭṭho yathātathaṃ;
Pañhānaṃ veyyākaraṇena, tosesi brāhmaṇe muni.
1134.
Te tositā cakkhumatā, buddhenādiccabandhunā;
Brahmacariyamacariṃsu, varapaññassa santike.
1135.
Ekamekassa pañhassa, yathā buddhena desitaṃ;
Tathā yo paṭipajjeyya, gacche pāraṃ apārato.
1136.
Apārā pāraṃ gaccheyya, bhāvento maggamuttamaṃ;
Maggo so pāraṃ gamanāya, tasmā pārāyanaṃ iti.
Pārāyanānugītigāthā
1137.
『『Pārāyanamanugāyissaṃ, (iccāyasmā piṅgiyo)
Yathāddakkhi tathākkhāsi, vimalo bhūrimedhaso;
Nikkāmo nibbano [nibbuto (syā.)] nāgo, kissa hetu musā bhaṇe.
1138.
『『Pahīnamalamohassa , mānamakkhappahāyino;
Handāhaṃ kittayissāmi, giraṃ vaṇṇūpasañhitaṃ.
1139.
『『Tamonudo buddho samantacakkhu, lokantagū sabbabhavātivatto;
Anāsavo sabbadukkhapahīno, saccavhayo brahme upāsito me.
1140.
『『Dijo yathā kubbanakaṃ pahāya, bahupphalaṃ kānanamāvaseyya;
Evaṃ pahaṃ appadasse pahāya, mahodadhiṃ haṃsoriva ajjhapatto.
"如此殊勝見者，我帶問而來； 如何觀察世間，死王不得見？" "觀世為空性，目犍連常具念； 拔除我見根，如是度死越； 如是觀世間，死王不得見。" 目犍連學童之問第十五終 賓耆耶學童之問 "我已老無力失容色（尊者賓耆耶如是說） 眼不清耳不適； 愿我不為癡迷而中途消亡， 請說法使我了知； 於此舍離生與老。" "見諸色相受損惱（世尊告賓耆耶） 放逸人為色所壞； 故你賓耆耶不放逸， 舍離色相勿再生。" "四方四維與，上下共十方； 世間無一法，不為您所見聞覺知； 請說法使我了知，於此舍離生與老。" "見諸人為渴愛制（世尊告賓耆耶） 生熱惱為老所逼； 故你賓耆耶不放逸，舍離愛慾勿再生。" 賓耆耶學童之問第十六終 彼岸道贊偈 這是世尊在摩揭陀國巴薩那迦塔所說。應十六位婆羅門侍者之請，對其所問之問題一一作答。若能知曉每一問題之義與法，依法隨法而行，便能到達老死之彼岸。因為這些法能令人到達彼岸，故此法門亦稱為"彼岸道"。 阿耆多帝須彌多，富樓那與彌多求； 度多迦優波私婆，難陀以及醯摩迦。 都提耶雙迦巴，聰慧的阇都干耳； 跋陀羅浮陀耶，還有婆羅門波娑羅； 聰慧的目犍連，及大仙人賓耆耶。 他們親近佛陀，圓滿行持仙人； 發問微妙義，親近最上佛。 佛為他們說，如實答其問； 以問題解答，令婆羅門喜。 他們因具眼，佛陀日種親； 令其生歡喜，近勝慧修梵行。 每一個問題，如佛所教示； 若能如是行，能從此岸到彼岸。 從此岸到彼岸，修習最上道； 此道通彼岸，故名彼岸道。 隨彼岸道偈 "我將誦彼岸道（尊者賓耆耶如是說） 如所見而說，無垢廣慧者； 無慾寂靜龍，何故說妄語。 "已離垢迷惑，舍慢與覆藏； 我今當稱頌，具美德之語。 "除暗佛遍眼，至世邊超一切有； 無漏離眾苦，稱真實我所親近。 "如鳥舍貧林，棲止多果林； 如是我舍淺見者，如鵝達大海。
1141.
『『Yeme pubbe viyākaṃsu, huraṃ gotamasāsanā;
Iccāsi iti bhavissati;
Sabbaṃ taṃ itihitihaṃ, sabbaṃ taṃ takkavaḍḍhanaṃ.
1142.
『『Eko tamanudāsino, jutimā so pabhaṅkaro;
Gotamo bhūripaññāṇo, gotamo bhūrimedhaso.
1143.
『『Yo me dhammamadesesi, sandiṭṭhikamakālikaṃ;
Taṇhakkhayamanītikaṃ , yassa natthi upamā kvaci』』.
1144.
『『Kiṃnu tamhā vippavasasi, muhuttamapi piṅgiya;
Gotamā bhūripaññāṇā, gotamā bhūrimedhasā.
1145.
『『Yo te dhammamadesesi, sandiṭṭhikamakālikaṃ;
Taṇhakkhayamanītikaṃ, yassa natthi upamā kvaci』』.
1146.
『『Nāhaṃ tamhā vippavasāmi, muhuttamapi brāhmaṇa;
Gotamā bhūripaññāṇā, gotamā bhūrimedhasā.
1147.
『『Yo me dhammamadesesi, sandiṭṭhikamakālikaṃ;
Taṇhakkhayamanītikaṃ, yassa natthi upamā kvaci.
1148.
『『Passāmi naṃ manasā cakkhunāva, rattindivaṃ brāhmaṇa appamatto;
Namassamāno vivasemi rattiṃ, teneva maññāmi avippavāsaṃ.
1149.
『『Saddhā ca pīti ca mano sati ca, nāpenti me gotamasāsanamhā;
Yaṃ yaṃ disaṃ vajati bhūripañño, sa tena teneva natohamasmi.
1150.
『『Jiṇṇassa me dubbalathāmakassa, teneva kāyo na paleti tattha;
Saṃkappayantāya [saṃkappayattāya (sī.)] vajāmi niccaṃ, mano hi me brāhmaṇa tena yutto.
1151.
『『Paṅke sayāno pariphandamāno, dīpā dīpaṃ upaplaviṃ [upallaviṃ (syā. niddesa)];
Athaddasāsiṃ sambuddhaṃ, oghatiṇṇamanāsavaṃ』』.
1152.
『『Yathā ahū vakkali muttasaddho, bhadrāvudho āḷavi gotamo ca;
Evameva tvampi pamuñcassu saddhaṃ,
Gamissasi tvaṃ piṅgiya maccudheyyassa pāraṃ』』 [maccudheyyapāraṃ (sī.)].
1153.
『『Esa bhiyyo pasīdāmi, sutvāna munino vaco;
Vivaṭṭacchado sambuddho, akhilo paṭibhānavā.
1154.
『『Adhideve abhiññāya, sabbaṃ vedi varovaraṃ [paro varaṃ (sī. syā.), paro paraṃ (niddesa)];
Pañhānantakaro satthā, kaṅkhīnaṃ paṭijānataṃ.
1155.
『『Asaṃhīraṃ asaṅkuppaṃ, yassa natthi upamā kvaci;
Addhā gamissāmi na mettha kaṅkhā, evaṃ maṃ dhārehi adhimuttacitta』』nti.
Pārāyanavaggo pañcamo niṭṭhito.
Suttuddānaṃ –
1.
Urago [imā uddānagāthāyo sī. pī. potthakesu na santi] dhaniyopi ca, khaggavisāṇo kasi ca;
Cundo bhavo punadeva, vasalo ca karaṇīyañca;
Hemavato atha yakkho, vijayasuttaṃ munisuttavaranti.
2.
Paṭhamakaṭṭhavaro varavaggo, dvādasasuttadharo suvibhatto;
Desito cakkhumatā vimalena, suyyati vaggavaro uragoti.
3.
Ratanāmagandho hirimaṅgalanāmo, sucilomakapilo ca brāhmaṇadhammo;
Nāvā [nātha (ka.)] kiṃsīlauṭṭhahano ca, rāhulo ca punapi vaṅgīso.
4.
Sammāparibbājanīyopi cettha, dhammikasuttavaro suvibhatto;
Cuddasasuttadharo dutiyamhi, cūḷakavaggavaroti tamāhu.
5.
Pabbajjapadhānasubhāsitanāmo, pūraḷāso punadeva māgho ca;
Sabhiyaṃ keṇiyameva sallanāmo, vāseṭṭhavaro kālikopi ca.
6.
Nālakasuttavaro suvibhatto, taṃ anupassī tathā punadeva;
Dvādasasuttadharo tatiyamhi, suyyati vaggavaro mahānāmo.
7.
Kāmaguhaṭṭhakaduṭṭhakanāmā , suddhavaro paramaṭṭhakanāmo;
Jarā mettiyavaro suvibhatto, pasūramāgaṇḍiyā purābhedo.
8.
Kalahavivādo ubho viyuhā ca, tuvaṭakaattadaṇḍasāriputtā;
Soḷasasuttadharo catutthamhi, aṭṭhakavaggavaroti tamāhu.
"從前為我解說者，在瞿曇教法之前； '過去如是未來亦然'； 皆是傳聞，一切增長尋思。 "唯一除暗者，光明破暗者； 瞿曇廣慧智，瞿曇廣智慧。 "為我說此法，現見無時限； 滅愛無災患，無處有等比。" "為何須遠離，片刻賓耆耶； 瞿曇廣慧智，瞿曇廣智慧。 "為你說此法，現見無時限； 滅愛無災患，無處有等比。" "我不曾遠離，片刻婆羅門； 瞿曇廣慧智，瞿曇廣智慧。 "為我說此法，現見無時限； 滅愛無災患，無處有等比。 "我以意與眼，晝夜見不放逸婆羅門； 禮敬度夜晚，故我想不離。 "信喜意正念，不離瞿曇教； 廣慧所向方，我即彼方禮。 "我老力已衰，故身不能往； 常以思維去，意志繫於彼。 "臥泥中掙扎，從洲至洲漂； 后見正覺者，度流無諸漏。" "如跋迦利具信解脫，跋陀羅浮陀及阿拉維瞿曇； 如是你也當解脫信心， 賓耆耶你將到達死魔境之彼岸。" "我更加凈信，聞牟尼之言； 揭開覆正覺，無荒穢辯才。 "知曉諸天上，了知勝中勝； 導師解疑問，為認知懷疑。 "不動不搖動，無處有等比； 必定我將去無疑惑，如是持我心解脫。" 彼岸道品第五終 經集總攝 蛇品與牧牛，犀角與耕種； 準陀有非有，賤民與應作； 雪山復夜叉，勝利及牟尼。 第一上品組，十二經善分； 具眼無垢說，聞勝品名蛇。 寶愛香戒吉，淨髮迦毗羅梵法行； 船何戒食端，羅睺羅頻毗娑。 正遍行在此，法經善分別； 十四經持二，名小品勝說。 出家精進善說名，補羅拉沙復摩伽； 舍比耶給孥刺名，婆私吒迦利迦等。 那羅迦經善分別，隨觀如是復重說； 十二經持第三中，聞品勝名大仙說。 欲窟八惡名，凈勝八支名； 老慈善分別，波須羅摩乾地耶前分。 諍論二種分，多拔自杖舍利子； 十六經持第四中，八頌品勝如是說。
9.
Magadhe janapade ramaṇīye, desavare katapuññanivese;
Pāsāṇakacetiyavare suvibhatte, vasi bhagavā gaṇaseṭṭho.
10.
Ubhayavāsamāgatiyamhi [ubhayaṃ vā puṇṇasamāgataṃ yamhi (syā.)], dvādasayojaniyā parisāya;
Soḷasabrāhmaṇānaṃ kira puṭṭho, pucchāya soḷasapañhakammiyā;
Nippakāsayi dhammamadāsi.
11.
Atthapakāsakabyañjanapuṇṇaṃ, dhammamadesesi parakhemajaniyaṃ [varaṃ khamanīyaṃ (ka.)];
Lokahitāya jino dvipadaggo, suttavaraṃ bahudhammavicitraṃ;
Sabbakilesapamocanahetuṃ, desayi suttavaraṃ dvipadaggo.
12.
Byañjanamatthapadaṃ samayuttaṃ [byañjanamatthapadasamayuttaṃ (syā.)], akkharasaññitaopamagāḷhaṃ;
Lokavicāraṇañāṇapabhaggaṃ, desayi suttavaraṃ dvipadaggo.
13.
Rāgamale amalaṃ vimalaggaṃ, dosamale amalaṃ vimalaggaṃ;
Mohamale amalaṃ vimalaggaṃ, lokavicāraṇañāṇapabhaggaṃ;
Desayi suttavaraṃ dvipadaggo.
14.
Klesamale amalaṃ vimalaggaṃ, duccaritamale amalaṃ vimalaggaṃ;
Lokavicāraṇañāṇapabhaggaṃ, desayi suttavaraṃ dvipadaggo.
15.
Āsavabandhanayogākilesaṃ, nīvaraṇāni ca tīṇi malāni;
Tassa kilesapamocanahetuṃ, desayi suttavaraṃ dvipadaggo.
16.
Nimmalasabbakilesapanūdaṃ, rāgavirāgamanejamasokaṃ;
Santapaṇītasududdasadhammaṃ, desayi suttavaraṃ dvipadaggo.
17.
Rāgañca dosakamabhañjitasantaṃ [dosañca bhañjitasantaṃ (syā.)], yonicatuggatipañcaviññāṇaṃ;
Taṇhāratacchadanatāṇalatāpamokkhaṃ [taṇhātalaratacchedanatāṇapamokkhaṃ (syā.)], desayi suttavaraṃ dvipadaggo.
18.
Gambhīraduddasasaṇhanipuṇaṃ, paṇḍitavedaniyaṃ nipuṇatthaṃ;
Lokavicāraṇañāṇapabhaggaṃ, desayi suttavaraṃ dvipadaggo.
19.
Navaṅgakusumamālagīveyyaṃ, indriyajhānavimokkhavibhattaṃ;
Aṭṭhaṅgamaggadharaṃ varayānaṃ, desayi suttavaraṃ dvipadaggo.
20.
Somupamaṃ vimalaṃ parisuddhaṃ, aṇṇavamūpamaratanasucittaṃ;
Pupphasamaṃ ravimūpamatejaṃ, desayi suttavaraṃ dvipadaggo.
9 在宜人的摩揭陀國土上， 此乃積福者所居之勝地； 在精美的石窟精舍中， 眾中至尊世尊安住於此。 10 當兩方信眾齊聚之時， 十二由旬範圍內的大眾； 據說十六婆羅門提問， 就十六問題詢問之事； 他宣說開示了法義。 11 義理明晰且文句圓滿，帶來他人安寧的法義； 為利世間二足尊宣說，殊勝經典具眾多法義； 能除一切煩惱的因由，二足至尊宣說妙經。 12 文句義理皆相應和合，以字彙標記深入譬喻； 能破除世間思慮知見，二足至尊宣說妙經。 13 于貪垢中無垢最清凈，于嗔垢中無垢最清凈； 于癡垢中無垢最清凈，能破除世間思慮知見； 二足至尊宣說妙經。 14 于煩惱垢中無垢最清凈，于惡行垢中無垢最清凈； 能破除世間思慮知見，二足至尊宣說妙經。 15 諸漏結縛煩惱繫縛，以及三種障蓋諸垢； 為解脫彼等煩惱因由，二足至尊宣說妙經。 16 能除盡一切清凈煩惱，離貪無動無憂之法； 寂靜殊勝難見之法，二足至尊宣說妙經。 17 息滅貪慾及嗔怒寂靜，四生五趣諸種識知； 能脫愛慾遮蔽纏縛，二足至尊宣說妙經。 18 深奧難見細緻微妙，智者能解微妙義理； 能破除世間思慮知見，二足至尊宣說妙經。 19 九分教法如花鬘嚴飾，諸根禪定解脫分明； 具足八正道勝乘之法，二足至尊宣說妙經。 20 如月般清凈無垢凈，如海般珍寶莊嚴飾； 如花般燦爛如日光明，二足至尊宣說妙經。
21.
Khemasivaṃ sukhasītalasantaṃ, maccutatāṇaparaṃ paramatthaṃ;
Tassa sunibbutadassanahetuṃ, desayi suttavaraṃ dvipadaggoti.
Suttanipātapāḷi niṭṭhitā.
21 安穩寂靜樂清涼，超越死亡至上義； 為見彼等寂滅故，二足至尊說妙經。 《經集》圓滿。