B0102051209anomadassībuddhavaṃso（無上見佛系譜）
- Anomadassībuddhavaṃso
1.
Sobhitassa aparena, sambuddho dvipaduttamo;
Anomadassī amitayaso, tejassī duratikkamo.
2.
So chetvā bandhanaṃ sabbaṃ, viddhaṃsetvā tayo bhave;
Anivattigamanaṃ maggaṃ, desesi devamānuse.
3.
Sāgarova asaṅkhobho, pabbatova durāsado;
Ākāsova ananto so, sālarājāva phullito.
4.
Dassanenapi taṃ buddhaṃ, tositā honti pāṇino;
Byāharantaṃ giraṃ sutvā, amataṃ pāpuṇanti te.
5.
Dhammābhisamayo tassa, iddho phīto tadā ahu;
Koṭisatāni abhisamiṃsu, paṭhame dhammadesane.
6.
Tato paraṃ abhisamaye, vassante dhammavuṭṭhiyo;
Asītikoṭiyobhisamiṃsu, dutiye dhammadesane.
7.
Tatoparañhi vassante, tappayante ca pāṇinaṃ;
Aṭṭhasattatikoṭīnaṃ, tatiyābhisamayo ahu.
8.
Sannipātā tayo āsuṃ, tassāpi ca mahesino;
Abhiññābalappattānaṃ, pupphitānaṃ vimuttiyā.
9.
Aṭṭhasatasahassānaṃ, sannipāto tadā ahu;
Pahīnamadamohānaṃ, santacittāna tādinaṃ.
10.
Sattasatasahassānaṃ , dutiyo āsi samāgamo;
Anaṅgaṇānaṃ virajānaṃ, upasantāna tādinaṃ.
11.
Channaṃ satasahassānaṃ, tatiyo āsi samāgamo;
Abhiññābalappattānaṃ, nibbutānaṃ tapassinaṃ.
12.
Ahaṃ tena samayena, yakkho āsiṃ mahiddhiko;
Nekānaṃ yakkhakoṭīnaṃ, vasavattimhi issaro.
13.
Tadāpi taṃ buddhavaraṃ, upagantvā mahesinaṃ;
Annapānena tappesiṃ, sasaṅghaṃ lokanāyakaṃ.
14.
Sopi maṃ tadā byākāsi, visuddhanayano muni;
『『Aparimeyyito kappe, ayaṃ buddho bhavissati.
15.
『『Padhānaṃ padahitvāna…pe… hessāma sammukhā imaṃ』』.
16.
Tassāpi vacanaṃ sutvā, haṭṭho saṃviggamānaso;
Uttariṃ vatamadhiṭṭhāsiṃ, dasapāramipūriyā.
17.
Nagaraṃ candavatī nāma, yasavā nāma khattiyo;
Mātā yasodharā nāma, anomadassissa satthuno.
18.
Dasavassasahassāni, agāraṃ ajjha so vasi;
Sirī upasirī vaḍḍho, tayo pāsādamuttamā.
19.
Tevīsatisahassāni, nāriyo samalaṅkatā;
Sirimā nāma sā nārī, upavāṇo nāma atrajo.
20.
Nimitte caturo disvā, sivikāyābhinikkhami;
Anūnadasamāsāni, padhānaṃ padahī jino.
21.
Brahmunā yācito santo, anomadassī mahāmuni;
Vatti cakkaṃ mahāvīro, uyyāne so sudassane [sudassanuyyānamuttame (syā. kaṃ.)].
22.
Nisabho ca anomo ca [asoko ca (sī.)], ahesuṃ aggasāvakā;
Varuṇo nāmupaṭṭhāko, anomadassissa satthuno.
23.
Sundarī ca sumanā ca, ahesuṃ aggasāvikā;
Bodhi tassa bhagavato, ajjunoti pavuccati.
24.
Nandivaḍḍho sirivaḍḍho, ahesuṃ aggupaṭṭhakā;
Uppalā ceva padumā ca, ahesuṃ aggupaṭṭhikā.
25.
Aṭṭhapaṇṇāsaratanaṃ , accuggato mahāmuni;
Pabhā niddhāvatī tassa, sataraṃsīva uggato.
26.
Vassasatasahassāni, āyu vijjati tāvade;
Tāvatā tiṭṭhamāno so, tāresi janataṃ bahuṃ.
27.
Supupphitaṃ pāvacanaṃ, arahantehi tādihi;
Vītarāgehi vimalehi, sobhittha jinasāsanaṃ.
28.
So ca satthā amitayaso, yugāni tāni atuliyāni;
Sabbaṃ tamantarahitaṃ, nanu rittā sabbasaṅkhārā.
- 阿諾瑪達西佛史 1. 在索毗多佛之後，出現了兩足尊中的至上者； 阿諾瑪達西佛具無量光輝，威力難以超越。 2. 他斬斷一切束縛，摧毀三有； 為天人宣說不退轉之道。 3. 他如大海般不動搖，如山嶽般難以接近； 如虛空般無邊際，如綻放的娑羅王樹。 4. 眾生僅見此佛即喜悅； 聽聞其言語者，得證不死。 5. 當時他的法現觀興盛繁榮； 第一次說法時，億萬眾生證悟。 6. 其後在法雨降下時， 第二次說法，八千萬眾證悟。 7. 此後法雨繼續降下，滿足眾生； 第三次說法，七千八百萬眾證悟。 8. 那位大仙人有三次集會； 與會者皆具神通力，解脫圓滿。 9. 當時第一次集會有八十萬人； 他們已斷除傲慢與愚癡，心意寂靜。 10. 第二次集會有七十萬人； 他們無垢無染，心意寂靜。 11. 第三次集會有六十萬人； 他們具神通力，苦行寂滅。 12. 那時我是一位大神通夜叉； 是數億夜叉的統領。 13. 當時我前往見那位佛陀上首大仙； 以食物飲料供養導師及其僧團。 14. 那位具清凈眼的牟尼也為我授記說： "無量劫之後，此人將成佛。 15. "精進修行......將面見此佛。" 16. 聽聞其言后，我心歡喜震撼； 更加發愿圓滿十波羅蜜。 17. 其城名為月城（Candavatī），國王名為耶舍瓦； 阿諾瑪達西佛的母親名為耶輸陀羅。 18. 他在家時住了一萬年； 有三座最勝宮殿：吉祥殿、上吉祥殿、增盛殿。 19. 有二萬三千裝飾華美的女子； 夫人名為吉祥女，太子名為烏巴瓦那。 20. 見四種瑞相后，乘轎出家； 勝者精進修行十個月。 21. 應梵天請求，大牟尼阿諾瑪達西； 大雄在善見園中轉法輪。 22. 尼薩巴與阿諾瑪為上首弟子； 瓦盧那是阿諾瑪達西佛的侍者。 23. 孫達麗與須曼那為上首女弟子； 此世尊的菩提樹為阿朱那樹。 24. 難提瓦達與悉利瓦達為上首侍者； 優缽羅與缽曇瑪為上首女侍者。 25. 那位大牟尼身高五十八肘； 他放射光明如升起的百光。 26. 當時壽命長達十萬年； 住世期間度化眾多眾生。 27. 正法如花盛開，阿羅漢們寂靜； 離欲清凈者莊嚴佛陀教法。 28. 那位具無量光輝的導師，那些無與倫比的對偶； 一切都已消逝，諸行確實皆空。
29.
Anomadassī jino satthā, dhammārāmamhi nibbuto;
Tatthevassa jinathūpo, ubbedho pañcavīsatīti.
Anomadassissa bhagavato vaṃso sattamo.
29 阿諾瑪達西勝者導師，在法園中證入涅槃； 就在那裡建造勝塔，高達二十五（肘）。 這是世尊阿諾瑪達西傳記的第七章。