B0102051218siddhatthabuddhavaṃso（成就義佛系譜）

Siddhatthabuddhavaṃso

1.

Dhammadassissa aparena, siddhattho nāma nāyako;

Nihanitvā tamaṃ sabbaṃ, sūriyo abbhuggato yathā.

2.

Sopi patvāna sambodhiṃ, santārento sadevakaṃ;

Abhivassi dhammameghena, nibbāpento sadevakaṃ.

3.

Tassāpi atulatejassa, ahesuṃ abhisamayā tayo;

Koṭisatasahassānaṃ, paṭhamābhisamayo ahu.

4.

Punāparaṃ bhīmarathe [himaraṭṭhe (ka.)], yadā āhani dundubhiṃ;

Tadā navutikoṭīnaṃ, dutiyābhisamayo ahu.

5.

Yadā buddho dhammaṃ desesi, vebhāre so puruttame;

Tadā navutikoṭīnaṃ, tatiyābhisamayo ahu.

6.

Sannipātā tayo āsuṃ, tasmimpi dvipaduttame;

Khīṇāsavānaṃ vimalānaṃ, santacittāna tādinaṃ.

7.

Koṭisatānaṃ navutīnaṃ [navutiyā (syā. kaṃ.)], asītiyāpi ca koṭinaṃ;

Ete āsuṃ tayo ṭhānā, vimalānaṃ samāgame.

8.

Ahaṃ tena samayena, maṅgalo nāma tāpaso;

Uggatejo duppasaho, abhiññābalasamāhito.

9.

Jambuto phalamānetvā [phalamāhatvā (sī. syā.)] siddhatthassa adāsahaṃ;

Paṭiggahetvā sambuddho, idaṃ vacanamabravi.

10.

『『Passatha imaṃ tāpasaṃ, jaṭilaṃ uggatāpanaṃ;

Catunnavutito kappe, ayaṃ buddho bhavissati.

11.

『『Padhānaṃ padahitvāna…pe… hessāma sammukhā imaṃ』』.

12.

Tassāpi vacanaṃ sutvā, bhiyyo cittaṃ pasādayiṃ;

Uttariṃ vatamadhiṭṭhāsiṃ, dasapāramipūriyā.

13.

Vebhāraṃ nāma nagaraṃ, udeno nāma khattiyo;

Suphassā nāma janikā, siddhatthassa mahesino.

14.

Dasavassasahassāni , agāraṃ ajjha so vasi;

Kokāsuppalakokanadā, tayo pāsādamuttamā.

15.

Tisoḷasasahassāni, nāriyo samalaṅkatā;

Somanassā nāma sā nārī, anupamo nāma atrajo.

16.

Nimitte caturo disvā, sivikāyābhinikkhami;

Anūnadasamāsāni, padhānaṃ padahī jino.

17.

Brahmunā yācito santo, siddhattho lokanāyako;

Vatti cakkaṃ mahāvīro, migadāye naruttamo.

18.

Sambalo ca sumitto ca, ahesuṃ aggasāvakā;

Revato nāmupaṭṭhāko, siddhatthassa mahesino.

19.

Sīvalā ca surāmā ca, ahesuṃ aggasāvikā;

Bodhi tassa bhagavato, kaṇikāroti vuccati.

20.

Suppiyo ca samuddo ca, ahesuṃ aggupaṭṭhakā;

Rammā ceva surammā ca, ahesuṃ aggupaṭṭhikā.

21.

So buddho saṭṭhiratanaṃ, ahosi nabhamuggato;

Kañcanagghiyasaṅkāso, dasasahassī virocati.

22.

Sopi buddho asamasamo, atulo appaṭipuggalo;

Vassasatasahassāni, loke aṭṭhāsi cakkhumā.

23.

Vipulaṃ pabhaṃ dassayitvā, pupphāpetvāna sāvake;

Vilāsetvā samāpatyā, nibbuto so sasāvako.

悉達多佛史 1. 法見佛之後，有位名悉達多的導師；猶如升起的太陽，驅散一切黑暗。 2. 他證得正等覺后，引導天界眾生渡越；以法雨普降，使天界眾生得以清涼。 3. 這位具無比威力者，有三次說法大會；第一次說法大會，有十億眾生領悟。 4. 其後在毗摩羅特（喜馬拉雅山區），當他擊鼓說法時；第二次說法大會，有九十億眾生領悟。 5. 當佛在最勝毗婆羅城，宣說佛法時；第三次說法大會，有九十億眾生領悟。 6. 這位兩足尊者，有三次聖眾集會；皆是漏盡無垢，心寂靜如如者。 7. 分別有一百億、九十億、八十億；這是三次無垢者的集會。 8. 那時我是名叫吉祥的苦行者；具大威力難以降伏，具足神通之力。 9. 我摘取蒲桃果，供養給悉達多；正等覺接受后，說了這樣的話： 10. "看這位苦行者，蓄髮修苦行；九十四劫之後，他將成為佛陀。 11. "精進努力修行......我將親見此人。" 12. 聽了他的話后，我更加凈信；立下更高誓願，圓滿十波羅蜜。 13. 他的城名毗婆羅，國王名優陀那；大聖者悉達多，其母名善觸。 14. 他在家中居住，長達一萬年；有俱迦、青蓮、紅蓮，三座殊勝宮殿。 15. 有一萬六千位，裝飾華美的女子；夫人名悅意，太子名無比。 16. 見四種瑞相后，乘轎離宮出家；整整十個月間，勝者修習苦行。 17. 應梵天請求，世間導師悉達多；大雄者、人中尊，于鹿野苑轉法輪。 18. 三波羅與蘇密多，是其兩大弟子；雷瓦塔是大聖悉達多的侍者。 19. 西瓦拉與須羅瑪，是其兩大女弟子；彼世尊的菩提樹，稱為黃花楹樹。 20. 善意與沙門陀，是其主要男居士；惹瑪與須惹瑪，是其主要女居士。 21. 彼佛身高六十肘，聳立於虛空中；宛如純金打造，光芒照耀萬方。 22. 彼佛無與倫比，無可匹敵無人及；具眼者住世間，達十萬年之久。 23. 展現廣大光明，使弟子們開花結果；顯示種種禪定，與弟子眾同入涅槃。

24.

Siddhattho munivaro buddho, anomārāmamhi nibbuto;

Tatthevassa thūpavaro, catuyojanamuggatoti.

Siddhatthassa bhagavato vaṃso soḷasamo.

24. 大聖悉達多佛，于阿諾馬園涅槃；其舍利塔莊嚴，高達四由旬。悉達多世尊之史第十六章終。 provided by EasyChat