B0102051223vessabhūbuddhavaṃso（偉大佛系譜）

Vessabhūbuddhavaṃso

1.

Tattheva maṇḍakappamhi, asamo appaṭipuggalo;

Vessabhū nāma nāmena, loke uppajji nāyako [so jino (syā. kaṃ. ka.)].

2.

Ādittaṃ vata rāgaggi, taṇhānaṃ vijitaṃ tadā;

Nāgova bandhanaṃ chetvā, patto sambodhimuttamaṃ.

3.

Dhammacakkaṃ pavattente, vessabhūlokanāyake;

Asītikoṭisahassānaṃ, paṭhamābhisamayo ahu.

4.

Pakkante cārikaṃ raṭṭhe, lokajeṭṭhe narāsabhe;

Sattatikoṭisahassānaṃ, dutiyābhisamayo ahu.

5.

Mahādiṭṭhiṃ vinodento, pāṭiheraṃ karoti so;

Samāgatā naramarū, dasasahassī sadevake.

6.

Mahāacchariyaṃ disvā, abbhutaṃ lomahaṃsanaṃ;

Devā ceva manussā ca, bujjhare saṭṭhikoṭiyo.

7.

Sannipātā tayo āsuṃ, vessabhussa mahesino;

Khīṇāsavānaṃ vimalānaṃ, santacittāna tādinaṃ.

8.

Asītibhikkhusahassānaṃ, paṭhamo āsi samāgamo;

Sattatibhikkhusahassānaṃ, dutiyo āsi samāgamo.

9.

Saṭṭhibhikkhusahassānaṃ , tatiyo āsi samāgamo;

Jarādibhayabhītānaṃ, orasānaṃ mahesino.

10.

Ahaṃ tena samayena, sudassano nāma khattiyo;

Nimantetvā mahāvīraṃ, dānaṃ datvā mahārahaṃ;

Annapānena vatthena, sasaṅghaṃ jina pūjayiṃ.

11.

Tassa buddhassa asamassa, cakkaṃ vattitamuttamaṃ;

Sutvāna paṇitaṃ dhammaṃ, pabbajjamabhirocayiṃ.

12.

Mahādānaṃ pavattetvā, rattindivamatandito;

Pabbajjaṃ guṇasampannaṃ, pabbajiṃ jinasantike.

13.

Ācāraguṇasampanno, vattasīlasamāhito;

Sabbaññutaṃ gavesanto, ramāmi jinasāsane.

14.

Saddhāpītiṃ upagantvā, buddhaṃ vandāmi sattharaṃ;

Pīti uppajjati mayhaṃ, bodhiyāyeva kāraṇā.

15.

Anivattamānasaṃ ñatvā, sambuddho etadabravi;

『『Ekatiṃse ito kappe, ayaṃ buddho bhavissati.

16.

『『Ahu kapilavhayā rammā…pe… hessāma sammukhā imaṃ』』.

17.

Tassāhaṃ vacanaṃ sutvā, bhiyyo cittaṃ pasādayiṃ;

Uttariṃ vatamadhiṭṭhāsiṃ, dasapāramipūriyā.

18.

Anomaṃ nāma nagaraṃ, suppatīto nāma khattiyo;

Mātā yasavatī nāma, vessabhussa mahesino.

19.

Cha ca vassasahassāni, agāraṃ ajjha so vasi;

Ruci suruci rativaḍḍhano, tayo pāsādamuttamā.

20.

Anūnatiṃsasahassāni, nāriyo samalaṅkatā;

Sucittā nāma sā nārī, suppabuddho nāma atrajo.

21.

Nimitte caturo disvā, sivikāyābhinikkhami;

Chamāsaṃ padhānacāraṃ, acarī purisuttamo.

22.

Brahmunā yācito santo, vessabhūlokanāyako;

Vatti cakkaṃ mahāvīro, aruṇārāme naruttamo.

23.

Soṇo ca uttaro ceva, ahesuṃ aggasāvakā;

Upasanto nāmupaṭṭhāko, vessabhussa mahesino.

24.

Rāmā [dāmā (sī.)] ceva samālā ca, ahesuṃ aggasāvikā;

Bodhi tassa bhagavato, mahāsāloti vuccati.

25.

Sotthiko ceva rambho ca, ahesuṃ aggupaṭṭhakā;

Gotamī sirimā ceva, ahesuṃ aggupaṭṭhikā.

26.

Saṭṭhiratanamubbedho, hemayūpasamūpamo;

Kāyā niccharati rasmi, rattiṃva pabbate sikhī.

27.

Saṭṭhivassasahassāni, āyu tassa mahesino;

Tāvatā tiṭṭhamāno so, tāresi janataṃ bahuṃ.

28.

Dhammaṃ vitthārikaṃ katvā, vibhajitvā mahājanaṃ;

Dhammanāvaṃ ṭhapetvāna, nibbuto so sasāvako.

29.

Dassaneyyaṃ sabbajanaṃ, vihāraṃ iriyāpathaṃ;

Sabbaṃ tamantarahitaṃ, nanu rittā sabbasaṅkhārā.

毗舍浮佛史 1. 于彼賢劫中，無與倫比、無可匹敵者；名為毗舍浮，出現於世間為導師。 2. 實然燃燒的貪慾之火，當時已征服諸愛慾；如象斷除束縛，證得無上正等覺。 3. 當毗舍浮世間導師，轉動法輪之時；八千億眾生，初次證悟。 4. 當最上士游化諸國，世間至尊遊行時；七千億眾生，第二次證悟。 5. 他為破除重大邪見，示現神通；天人齊聚，萬界眾生雲集。 6. 見此大奇蹟，稀有令人毛豎；天眾與人類，六千億覺悟。 7. 大聖毗舍浮，三次集會；諸漏盡無垢，寂靜心如如。 8. 八萬比丘眾，首次集會；七萬比丘眾，第二次集會。 9. 六萬比丘眾，第三次集會；為大聖嫡子，畏懼老死者。 10. 我于彼時為，善見名剎帝利；邀請大雄者，施以最勝供；以食飲衣物，供養佛及僧。 11. 聞此無等佛，所轉無上輪；聽聞殊勝法，我樂於出家。 12. 廣行大布施，日夜不疲倦；具足諸功德，于佛前出家。 13. 具足戒行德，專注于律儀；尋求一切智，樂於佛教中。 14. 生起信喜心，禮敬佛導師；我心生歡喜，為求菩提故。 15. 知我意志堅，正覺如是言： "從今三十一劫后，此人將成佛。 16. "從美好迦毗羅城...乃至...我等面見彼。" 17. 聞此授記已，我心更凈信；立下更大愿，圓滿十波羅蜜。 18. 其城名無勝，父王名善悅；母名具吉祥，毗舍浮大聖。 19. 六千年之間，居住於俗家；喜悅、善喜悅、增樂，三最勝宮殿。 20. 三萬裝飾美，侍女環繞側；善意名妃子，善覺名王子。 21. 見四種瑞相，乘轎車出離；最上人精進，修行六個月。 22. 應梵天請求，毗舍浮世導；大雄轉法輪，黎明園中勝。 23. 輸那與郁多羅，是其上首弟子；近寂為侍者，事奉毗舍浮。 24. 羅摩與薩摩羅，是其上首女弟子；彼世尊菩提，名為大沙羅樹。 25. 首底迦與蘭浮，是其上首居士；瞿曇彌與西利摩，是其上首女居士。 26. 身高六十腕尺，如金柱般莊嚴；身放光明耀，如夜山頂火。 27. 大聖壽命長，六萬年之久；住世如是時，度化眾多人。 28. 廣演妙法已，教化諸眾生；安置法船后，與弟子涅槃。 29. 應見諸眾生，住處威儀等；一切皆消逝，諸行豈非空？

30.

Vessabhū jinavaro satthā, khemārāmamhi nibbuto;

Dhātuvitthārikaṃ āsi, tesu tesu padesatoti.

Vessabhussa bhagavato vaṃso ekavīsatimo.

30. 勝者毗舍浮導師，于寂靜園中涅槃；舍利廣佈傳諸方，遍及各個地區中。毗舍浮世尊史第二十一章。