B0102050222nirayavaggo（地獄品）
- Nirayavaggo
306.
Abhūtavādī nirayaṃ upeti, yo vāpi [yo cāpi (sī. pī. ka.)] katvā na karomi cāha [na karomīti cāha (syā.)];
Ubhopi te pecca samā bhavanti, nihīnakammā manujā parattha.
307.
Kāsāvakaṇṭhā bahavo, pāpadhammā asaññatā;
Pāpā pāpehi kammehi, nirayaṃ te upapajjare.
308.
Seyyo ayoguḷo bhutto, tatto aggisikhūpamo;
Yañce bhuñjeyya dussīlo, raṭṭhapiṇḍamasaññato.
309.
Cattāri ṭhānāni naro pamatto, āpajjati paradārūpasevī;
Apuññalābhaṃ na nikāmaseyyaṃ, nindaṃ tatīyaṃ nirayaṃ catutthaṃ.
310.
Apuññalābho ca gatī ca pāpikā, bhītassa bhītāya ratī ca thokikā;
Rājā ca daṇḍaṃ garukaṃ paṇeti, tasmā naro paradāraṃ na seve.
311.
Kuso yathā duggahito, hatthamevānukantati;
Sāmaññaṃ dupparāmaṭṭhaṃ, nirayāyupakaḍḍhati.
312.
Yaṃ kiñci sithilaṃ kammaṃ, saṃkiliṭṭhañca yaṃ vataṃ;
Saṅkassaraṃ brahmacariyaṃ, na taṃ hoti mahapphalaṃ.
313.
Kayirā ce kayirāthenaṃ [kayirā naṃ (ka.)], daḷhamenaṃ parakkame;
Sithilo hi paribbājo, bhiyyo ākirate rajaṃ.
314.
Akataṃ dukkaṭaṃ seyyo, pacchā tappati dukkaṭaṃ;
Katañca sukataṃ seyyo, yaṃ katvā nānutappati.
315.
Nagaraṃ yathā paccantaṃ, guttaṃ santarabāhiraṃ;
Evaṃ gopetha attānaṃ, khaṇo vo [khaṇo ve (sī. pī. ka.)] mā upaccagā;
Khaṇātītā hi socanti, nirayamhi samappitā.
316.
Alajjitāye lajjanti, lajjitāye na lajjare;
Micchādiṭṭhisamādānā, sattā gacchanti duggatiṃ.
317.
Abhaye bhayadassino, bhaye cābhayadassino;
Micchādiṭṭhisamādānā, sattā gacchanti duggatiṃ.
318.
Avajje vajjamatino, vajje cāvajjadassino;
Micchādiṭṭhisamādānā, sattā gacchanti duggatiṃ.
- 地獄品 306. 說妄語者墮入地獄，作后又說"我沒做"者； 兩者死後同樣下場，來世皆為卑賤之人。 307. 許多披著袈裟之人，不守戒律行為邪惡； 由於惡行與罪業故，他們終將墮入地獄。 308. 寧可吞食燒紅鐵丸，如同烈焰般熾熱； 也勝無戒者無節制，享用國民所施之食。 309. 放逸之人淫他人妻，必陷四種不幸境地： 一得罪業二睡不安，三遭誹謗四墮地獄。 310. 獲得罪業墮惡趣中，恐懼之中樂趣稀少； 國王又加嚴厲懲罰，是故切莫侵犯他妻。 311. 如同錯握茅草莖，必定會割傷自己手； 修行若有不當處，必將自己拖入地獄。 312. 任何懈怠放逛行為，以及染污的誓願事； 懷疑不凈的梵行生，皆不能得廣大果報。 313. 若要行事當努力，應當堅定勇猛為； 鬆弛懈怠的修行，更增污垢染塵埃。 314. 不作惡業最為善，作惡之後必後悔； 行善之事最為善，作已無有後悔意。 315. 如同邊境的城池，內外皆須善防護； 如是護持自身心，莫讓時機虛度過； 錯失良機墮地獄，終將悲傷且懊悔。 316. 對不恥之事反覺恥，對應恥之事不覺恥； 持有邪見的眾生們，終將墮入惡趣中。 317. 于無畏處生畏懼，于畏懼處不畏懼； 持有邪見的眾生們，終將墮入惡趣中。 318. 于無過處見其過，于有過處不見過； 持有邪見的眾生們，終將墮入惡趣中。
319.
Vajjañca vajjato ñatvā, avajjañca avajjato;
Sammādiṭṭhisamādānā, sattā gacchanti suggatiṃ.
Nirayavaggo dvāvīsatimo niṭṭhito.
319. 知過失為過失，知無過為無過； 持有正見的眾生們，終將趣向善道中。 第二十二品·地獄品終