B0102040411(1)valāhakavaggo（風雲品）

(11) 1. Valāhakavaggo

Paṭhamavalāhakasuttaṃ
Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – 『『bhikkhavo』』ti. 『『Bhadante』』ti te bhikkhū bhagavato paccassosuṃ. Bhagavā etadavoca –

『『Cattārome, bhikkhave, valāhakā. Katame cattāro? Gajjitā no vassitā, vassitā no gajjitā, neva gajjitā no vassitā, gajjitā ca vassitā ca. Ime kho, bhikkhave, cattāro valāhakā. Evamevaṃ kho, bhikkhave, cattāro valāhakūpamā [pu. pa. 157] puggalā santo saṃvijjamānā lokasmiṃ. Katame cattāro? Gajjitā no vassitā, vassitā no gajjitā, neva gajjitā no vassitā, gajjitā ca vassitā ca.

『『Kathañca, bhikkhave, puggalo gajjitā hoti no vassitā? Idha, bhikkhave, ekacco puggalo bhāsitā hoti, no kattā. Evaṃ kho, bhikkhave, puggalo gajjitā hoti, no vassitā. Seyyathāpi so, bhikkhave, valāhako gajjitā, no vassitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo vassitā hoti, no gajjitā? Idha, bhikkhave, ekacco puggalo kattā hoti, no bhāsitā. Evaṃ kho, bhikkhave, puggalo vassitā hoti, no gajjitā. Seyyathāpi so, bhikkhave, valāhako vassitā, no gajjitā; tathūpamāhaṃ, bhikkhave , imaṃ puggalaṃ vadāmi.

『『Kathañca , bhikkhave, puggalo neva gajjitā hoti, no vassitā? Idha, bhikkhave, ekacco puggalo neva bhāsitā hoti, no kattā. Evaṃ kho, bhikkhave, puggalo neva gajjitā hoti, no vassitā. Seyyathāpi so, bhikkhave, valāhako neva gajjitā [neva gajjitā hoti (ka.)], no vassitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo gajjitā ca hoti vassitā ca? Idha, bhikkhave, ekacco puggalo bhāsitā ca hoti kattā ca. Evaṃ kho, bhikkhave, puggalo gajjitā ca hoti vassitā ca. Seyyathāpi so, bhikkhave, valāhako gajjitā ca [gajjitā ca hoti (ka.)] vassitā ca; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro valāhakūpamā puggalā santo saṃvijjamānā lokasmi』』nti. Paṭhamaṃ.

Dutiyavalāhakasuttaṃ

(11) 1. 云品 1. 第一云經如是我聞。一時，世尊住舍衛城(現今印度北方邦斯拉瓦斯蒂縣)祇樹給孤獨園。在那裡，世尊對比丘們說："諸比丘。"那些比丘回答世尊說："尊者。"世尊如是說： "諸比丘，有四種云。哪四種？只打雷不下雨，只下雨不打雷，既不打雷也不下雨，既打雷又下雨。諸比丘，這就是四種云。同樣地，諸比丘，世間上有四種如雲的人存在。哪四種？只打雷不下雨，只下雨不打雷，既不打雷也不下雨，既打雷又下雨。 "諸比丘，怎樣的人是隻打雷不下雨呢？在這裡，諸比丘，某人是說話者，不是實行者。諸比丘，這樣的人就是隻打雷不下雨。諸比丘，就像那隻打雷不下雨的云；諸比丘，我說這個人就是如此。 "諸比丘，怎樣的人是隻下雨不打雷呢？在這裡，諸比丘，某人是實行者，不是說話者。諸比丘，這樣的人就是隻下雨不打雷。諸比丘，就像那隻下雨不打雷的云；諸比丘，我說這個人就是如此。 "諸比丘，怎樣的人是既不打雷也不下雨呢？在這裡，諸比丘，某人既不是說話者，也不是實行者。諸比丘，這樣的人就是既不打雷也不下雨。諸比丘，就像那既不打雷也不下雨的云；諸比丘，我說這個人就是如此。 "諸比丘，怎樣的人是既打雷又下雨呢？在這裡，諸比丘，某人既是說話者，又是實行者。諸比丘，這樣的人就是既打雷又下雨。諸比丘，就像那既打雷又下雨的云；諸比丘，我說這個人就是如此。諸比丘，這就是世間上存在的四種如雲的人。"第一。 2. 第二云經

『『Cattārome , bhikkhave, valāhakā. Katame cattāro? Gajjitā no vassitā, vassitā no gajjitā, neva gajjitā no vassitā gajjitā ca vassitā ca. Ime kho, bhikkhave, cattāro valāhakā. Evamevaṃ kho, bhikkhave, cattāro valāhakūpamā puggalā santo saṃvijjamānā lokasmiṃ. Katame cattāro? Gajjitā no vassitā, vassitā no gajjitā, neva gajjitā no vassitā, gajjitā ca vassitā ca.

『『Kathañca, bhikkhave, puggalo gajjitā hoti, no vassitā? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ nappajānāti, 『ayaṃ dukkhasamudayo』ti yathābhūtaṃ nappajānāti, 『ayaṃ dukkhanirodho』ti yathābhūtaṃ nappajānāti, 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo gajjitā hoti, no vassitā. Seyyathāpi so, bhikkhave, valāhako gajjitā, no vassitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo vassitā hoti, no gajjitā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo vassitā hoti, no gajjitā. Seyyathāpi so, bhikkhave, valāhako vassitā, no gajjitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo neva gajjitā hoti, no vassitā? Idha, bhikkhave, ekacco puggalo neva dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo neva gajjitā hoti, no vassitā. Seyyathāpi so, bhikkhave, valāhako neva gajjitā, no vassitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo gajjitā ca hoti vassitā ca ? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo gajjitā ca hoti vassitā ca. Seyyathāpi so, bhikkhave, valāhako gajjitā ca vassitā ca; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro valāhakūpamā puggalā santo saṃvijjamānā lokasmi』』nti. Dutiyaṃ.

Kumbhasuttaṃ
"諸比丘，有四種云。哪四種？只打雷不下雨，只下雨不打雷，既不打雷也不下雨，既打雷又下雨。諸比丘，這就是四種云。同樣地，諸比丘，世間上有四種如雲的人存在。哪四種？只打雷不下雨，只下雨不打雷，既不打雷也不下雨，既打雷又下雨。 "諸比丘，怎樣的人是隻打雷不下雨呢？在這裡，諸比丘，某人學習法——經、應頌、記說、偈頌、自說、如是語、本生、未曾有法、方廣。他如實不了知'這是苦'，如實不了知'這是苦集'，如實不了知'這是苦滅'，如實不了知'這是趣向苦滅之道'。諸比丘，這樣的人就是隻打雷不下雨。諸比丘，就像那隻打雷不下雨的云；諸比丘，我說這個人就是如此。 "諸比丘，怎樣的人是隻下雨不打雷呢？在這裡，諸比丘，某人不學習法——經、應頌、記說、偈頌、自說、如是語、本生、未曾有法、方廣。他如實了知'這是苦'……如實了知'這是趣向苦滅之道'。諸比丘，這樣的人就是隻下雨不打雷。諸比丘，就像那隻下雨不打雷的云；諸比丘，我說這個人就是如此。 "諸比丘，怎樣的人是既不打雷也不下雨呢？在這裡，諸比丘，某人既不學習法——經、應頌、記說、偈頌、自說、如是語、本生、未曾有法、方廣。他如實不了知'這是苦'……如實不了知'這是趣向苦滅之道'。諸比丘，這樣的人就是既不打雷也不下雨。諸比丘，就像那既不打雷也不下雨的云；諸比丘，我說這個人就是如此。 "諸比丘，怎樣的人是既打雷又下雨呢？在這裡，諸比丘，某人學習法——經、應頌、記說、偈頌、自說、如是語、本生、未曾有法、方廣。他如實了知'這是苦'……如實了知'這是趣向苦滅之道'。諸比丘，這樣的人就是既打雷又下雨。諸比丘，就像那既打雷又下雨的云；諸比丘，我說這個人就是如此。諸比丘，這就是世間上存在的四種如雲的人。"第二。
瓶經
『『Cattārome, bhikkhave, kumbhā. Katame cattāro? Tuccho pihito, pūro vivaṭo, tuccho vivaṭo, pūro pihito – ime kho, bhikkhave, cattāro kumbhā. Evamevaṃ kho, bhikkhave , cattāro kumbhūpamā [pu. pa. 160] puggalā santo saṃvijjamānā lokasmiṃ. Katame cattāro? Tuccho pihito, pūro vivaṭo, tuccho vivaṭo, pūro pihito.

『『Kathañca, bhikkhave, puggalo tuccho hoti pihito? Idha, bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo tuccho hoti pihito . Seyyathāpi so, bhikkhave, kumbho tuccho pihito; tathūpamāhaṃ, bhikkhave, imaṃ puggalaṃ vadāmi.

『『Kathañca , bhikkhave, puggalo pūro hoti vivaṭo? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo pūro hoti vivaṭo. Seyyathāpi so, bhikkhave, kumbho pūro vivaṭo; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo tuccho hoti vivaṭo? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo tuccho hoti vivaṭo. Seyyathāpi so, bhikkhave, kumbho tuccho vivaṭo; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo pūro hoti pihito? Idha, bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo pūro hoti pihito. Seyyathāpi so, bhikkhave, kumbho pūro pihito; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro kumbhūpamā puggalā santo saṃvijjamānā lokasmi』』nti. Tatiyaṃ.

Udakarahadasuttaṃ
"諸比丘，有四種瓶。哪四種？空而封閉的，滿而開放的，空而開放的，滿而封閉的——諸比丘，這就是四種瓶。同樣地，諸比丘，世間上有四種如瓶的人存在。哪四種？空而封閉的，滿而開放的，空而開放的，滿而封閉的。 "諸比丘，怎樣的人是空而封閉的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實不了知'這是苦'……如實不了知'這是趣向苦滅之道'。諸比丘，這樣的人就是空而封閉的。諸比丘，就像那空而封閉的瓶；諸比丘，我說這個人就是如此。 "諸比丘，怎樣的人是滿而開放的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實了知'這是苦'……如實了知'這是趣向苦滅之道'。諸比丘，這樣的人就是滿而開放的。諸比丘，就像那滿而開放的瓶；諸比丘，我說這個人就是如此。 "諸比丘，怎樣的人是空而開放的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實不了知'這是苦'……如實不了知'這是趣向苦滅之道'。諸比丘，這樣的人就是空而開放的。諸比丘，就像那空而開放的瓶；諸比丘，我說這個人就是如此。 "諸比丘，怎樣的人是滿而封閉的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實了知'這是苦'……如實了知'這是趣向苦滅之道'。諸比丘，這樣的人就是滿而封閉的。諸比丘，就像那滿而封閉的瓶；諸比丘，我說這個人就是如此。諸比丘，這就是世間上存在的四種如瓶的人。"第三。
水池經
『『Cattārome, bhikkhave, udakarahadā. Katame cattāro? Uttāno gambhīrobhāso, gambhīro uttānobhāso, uttāno uttānobhāso, gambhīro gambhīrobhāso – ime kho, bhikkhave, cattāro udakarahadā. Evamevaṃ kho, bhikkhave, cattāro udakarahadūpamā [pu. pa. 161] puggalā santo saṃvijjamānā lokasmiṃ. Katame cattāro? Uttāno gambhīrobhāso , gambhīro uttānobhāso, uttāno uttānobhāso, gambhīro gambhīrobhāso.

『『Kathañca, bhikkhave, puggalo uttāno hoti gambhīrobhāso? Idha, bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo uttāno hoti gambhīrobhāso. Seyyathāpi so, bhikkhave, udakarahado uttāno gambhīrobhāso; tathūpamāhaṃ, bhikkhave, imaṃ puggalaṃ vadāmi.

『『Kathañca , bhikkhave, puggalo gambhīro hoti uttānobhāso? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo gambhīro hoti uttānobhāso. Seyyathāpi so, bhikkhave, udakarahado gambhīro uttānobhāso; tathūpamāhaṃ, bhikkhave, imaṃ puggalaṃ vadāmi.

『『Kathañca , bhikkhave, puggalo uttāno hoti uttānobhāso? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo uttāno hoti uttānobhāso. Seyyathāpi so, bhikkhave, udakarahado uttāno uttānobhāso; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo gambhīro hoti gambhīrobhāso? Idha, bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo gambhīro hoti gambhīrobhāso. Seyyathāpi so, bhikkhave, udakarahado gambhīro gambhīrobhāso; tathūpamāhaṃ, bhikkhave, imaṃ puggalaṃ vadāmi. Ime kho , bhikkhave, cattāro udakarahadūpamā puggalā santo saṃvijjamānā lokasmi』』nti. Catutthaṃ.

Ambasuttaṃ
"諸比丘，有四種水池。哪四種？淺而看似深的，深而看似淺的，淺而看似淺的，深而看似深的——諸比丘，這就是四種水池。同樣地，諸比丘，世間上有四種如水池的人存在。哪四種？淺而看似深的，深而看似淺的，淺而看似淺的，深而看似深的。 "諸比丘，怎樣的人是淺而看似深的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實不了知'這是苦'……如實不了知'這是趣向苦滅之道'。諸比丘，這樣的人就是淺而看似深的。諸比丘，就像那淺而看似深的水池；諸比丘，我說這個人就是如此。 "諸比丘，怎樣的人是深而看似淺的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實了知'這是苦'……如實了知'這是趣向苦滅之道'。諸比丘，這樣的人就是深而看似淺的。諸比丘，就像那深而看似淺的水池；諸比丘，我說這個人就是如此。 "諸比丘，怎樣的人是淺而看似淺的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實不了知'這是苦'……如實不了知'這是趣向苦滅之道'。諸比丘，這樣的人就是淺而看似淺的。諸比丘，就像那淺而看似淺的水池；諸比丘，我說這個人就是如此。 "諸比丘，怎樣的人是深而看似深的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實了知'這是苦'……如實了知'這是趣向苦滅之道'。諸比丘，這樣的人就是深而看似深的。諸比丘，就像那深而看似深的水池；諸比丘，我說這個人就是如此。諸比丘，這就是世間上存在的四種如水池的人。"第四。
芒果經
『『Cattārimāni, bhikkhave, ambāni. Katamāni cattāri? Āmaṃ pakkavaṇṇi [pakkavaṇṇī (pu. pa. 159)], pakkaṃ āmavaṇṇi [āmavaṇṇī (sī. syā. kaṃ. pī.)], āmaṃ āmavaṇṇi, pakkaṃ pakkavaṇṇi – imāni kho, bhikkhave, cattāri ambāni. Evamevaṃ kho, bhikkhave, cattāro ambūpamā [pakkavaṇṇī (pu. pa. 159)] puggalā santo saṃvijjamānā lokasmiṃ. Katame cattāro? Āmo pakkavaṇṇī, pakko āmavaṇṇī, āmo āmavaṇṇī, pakko pakkavaṇṇī.

『『Kathañca, bhikkhave, puggalo āmo hoti pakkavaṇṇī? Idha , bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo āmo hoti pakkavaṇṇī. Seyyathāpi taṃ, bhikkhave, ambaṃ āmaṃ pakkavaṇṇi; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo pakko hoti āmavaṇṇī? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo pakko hoti āmavaṇṇī. Seyyathāpi taṃ, bhikkhave, ambaṃ pakkaṃ āmavaṇṇi; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo āmo hoti āmavaṇṇī? Idha, bhikkhave, ekaccassa puggalassa na pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo āmo hoti āmavaṇṇī . Seyyathāpi taṃ, bhikkhave, ambaṃ āmaṃ āmavaṇṇi; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo pakko hoti pakkavaṇṇī? Idha, bhikkhave, ekaccassa puggalassa pāsādikaṃ hoti abhikkantaṃ paṭikkantaṃ ālokitaṃ vilokitaṃ samiñjitaṃ pasāritaṃ saṅghāṭipattacīvaradhāraṇaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo pakko hoti pakkavaṇṇī. Seyyathāpi taṃ, bhikkhave, ambaṃ pakkaṃ pakkavaṇṇi; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro ambūpamā puggalā santo saṃvijjamānā lokasmi』』nti. Pañcamaṃ.

Dutiyaambasuttaṃ

(Chaṭṭhaṃ uttānatthamevāti aṭṭhakathāyaṃ dassitaṃ, pāḷipotthakesu pana katthacipi na dissati.) [( ) 『『chaṭṭhaṃ ukkānatthamevā』』ti aṭṭhakathāyaṃ dassitaṃ, pāḷipotthakesu pana katthacipi na dissati. 『『… āmaṃ pakkobhāsaṃ, pakkaṃ āmobhāsa』』ntiādinā pāṭho bhaveyya]

Mūsikasuttaṃ
"諸比丘，有四種芒果。哪四種？生而似熟的，熟而似生的，生而似生的，熟而似熟的——諸比丘，這就是四種芒果。同樣地，諸比丘，世間上有四種如芒果的人存在。哪四種？生而似熟的，熟而似生的，生而似生的，熟而似熟的。 "諸比丘，怎樣的人是生而似熟的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實不了知'這是苦'……如實不了知'這是趣向苦滅之道'。諸比丘，這樣的人就是生而似熟的。諸比丘，就像那生而似熟的芒果；諸比丘，我說這個人就是如此。 "諸比丘，怎樣的人是熟而似生的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實了知'這是苦'……如實了知'這是趣向苦滅之道'。諸比丘，這樣的人就是熟而似生的。諸比丘，就像那熟而似生的芒果；諸比丘，我說這個人就是如此。 "諸比丘，怎樣的人是生而似生的呢？在這裡，諸比丘，某人的前進後退、觀望、屈伸、披袈裟持缽衣都不優雅。他如實不了知'這是苦'……如實不了知'這是趣向苦滅之道'。諸比丘，這樣的人就是生而似生的。諸比丘，就像那生而似生的芒果；諸比丘，我說這個人就是如此。 "諸比丘，怎樣的人是熟而似熟的呢？在這裡，諸比丘，某人的前進後退、觀望、屈伸、披袈裟持缽衣都很優雅。他如實了知'這是苦'……如實了知'這是趣向苦滅之道'。諸比丘，這樣的人就是熟而似熟的。諸比丘，就像那熟而似熟的芒果；諸比丘，我說這個人就是如此。諸比丘，這就是世間上存在的四種如芒果的人。"第五。
第二芒果經（註釋書中說第六經意思很明顯，但在巴利文字中卻找不到。）[（）註釋書中說第六經意思很明顯，但在巴利文字中卻找不到。"……生而看似熟的，熟而看似生的"等等可能是這樣的經文]
老鼠經
『『Catasso imā, bhikkhave, mūsikā. Katamā catasso? Gādhaṃ kattā no vasitā, vasitā no gādhaṃ kattā, neva gādhaṃ kattā no vasitā, gādhaṃ kattā ca vasitā ca – imā kho, bhikkhave, catasso mūsikā. Evamevaṃ kho, bhikkhave, cattāro mūsikūpamā puggalā santo saṃvijjamānā lokasmiṃ. Katame cattāro? Gādhaṃ kattā no vasitā, vasitā no gādhaṃ kattā, neva gādhaṃ kattā no vasitā, gādhaṃ kattā ca vasitā ca.

『『Kathañca , bhikkhave, puggalo gādhaṃ kattā hoti no vasitā? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave, puggalo gādhaṃ kattā hoti, no vasitā. Seyyathāpi sā , bhikkhave, mūsikā gādhaṃ kattā, no vasitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo vasitā hoti, no gādhaṃ kattā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ , udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo vasitā hoti, no gādhaṃ kattā. Seyyathāpi sā, bhikkhave, mūsikā vasitā hoti, no gādhaṃ kattā; tathūpamāhaṃ, bhikkhave, imaṃ, puggalaṃ vadāmi.

『『Kathañca, bhikkhave, puggalo neva gādhaṃ kattā hoti no vasitā? Idha, bhikkhave, ekacco puggalo dhammaṃ na pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ nappajānāti…pe… 『ayaṃ dukkhanirodhagāminī paṭipadā』ti yathābhūtaṃ nappajānāti. Evaṃ kho, bhikkhave , puggalo neva gādhaṃ kattā hoti, no vasitā. Seyyathāpi sā, bhikkhave, mūsikā neva gādhaṃ kattā hoti, no vasitā; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo gādhaṃ kattā ca hoti vasitā ca? Idha, bhikkhave, ekacco puggalo dhammaṃ pariyāpuṇāti – suttaṃ, geyyaṃ, veyyākaraṇaṃ, gāthaṃ, udānaṃ, itivuttakaṃ, jātakaṃ, abbhutadhammaṃ, vedallaṃ. So 『idaṃ dukkha』nti yathābhūtaṃ pajānāti…pe… 『ayaṃ dukkhanirodhagāminī paṭipadā』ti yathābhūtaṃ pajānāti. Evaṃ kho, bhikkhave, puggalo gādhaṃ kattā ca hoti vasitā ca. Seyyathāpi sā, bhikkhave, mūsikā gādhaṃ kattā ca hoti vasitā ca; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro mūsikūpamā puggalā santo saṃvijjamānā lokasmi』』nti. Sattamaṃ.

Balībaddasuttaṃ
"諸比丘，有四種老鼠。哪四種？能挖洞但不能居住的，能居住但不能挖洞的，既不能挖洞也不能居住的，既能挖洞又能居住的——諸比丘，這就是四種老鼠。同樣地，諸比丘，世間上有四種如老鼠的人存在。哪四種？能挖洞但不能居住的，能居住但不能挖洞的，既不能挖洞也不能居住的，既能挖洞又能居住的。 "諸比丘，怎樣的人是能挖洞但不能居住的呢？在這裡，諸比丘，某人學習法——經、應頌、記說、偈頌、自說、如是語、本生、未曾有法、方廣。他如實不了知'這是苦'……如實不了知'這是趣向苦滅之道'。諸比丘，這樣的人就是能挖洞但不能居住的。諸比丘，就像那能挖洞但不能居住的老鼠；諸比丘，我說這個人就是如此。 "諸比丘，怎樣的人是能居住但不能挖洞的呢？在這裡，諸比丘，某人不學習法——經、應頌、記說、偈頌、自說、如是語、本生、未曾有法、方廣。他如實了知'這是苦'……如實了知'這是趣向苦滅之道'。諸比丘，這樣的人就是能居住但不能挖洞的。諸比丘，就像那能居住但不能挖洞的老鼠；諸比丘，我說這個人就是如此。 "諸比丘，怎樣的人是既不能挖洞也不能居住的呢？在這裡，諸比丘，某人不學習法——經、應頌、記說、偈頌、自說、如是語、本生、未曾有法、方廣。他如實不了知'這是苦'……如實不了知'這是趣向苦滅之道'。諸比丘，這樣的人就是既不能挖洞也不能居住的。諸比丘，就像那既不能挖洞也不能居住的老鼠；諸比丘，我說這個人就是如此。 "諸比丘，怎樣的人是既能挖洞又能居住的呢？在這裡，諸比丘，某人學習法——經、應頌、記說、偈頌、自說、如是語、本生、未曾有法、方廣。他如實了知'這是苦'……如實了知'這是趣向苦滅之道'。諸比丘，這樣的人就是既能挖洞又能居住的。諸比丘，就像那既能挖洞又能居住的老鼠；諸比丘，我說這個人就是如此。諸比丘，這就是世間上存在的四種如老鼠的人。"第七。
公牛經
『『Cattārome, bhikkhave, balībaddā [balivaddā (sī. syā. kaṃ. pī.), balibaddhā (ka.) pu. pa. 162]. Katame cattāro? Sagavacaṇḍo no paragavacaṇḍo, paragavacaṇḍo no sagavacaṇḍo, sagavacaṇḍo ca paragavacaṇḍo ca, neva sagavacaṇḍo no paragavacaṇḍo – ime kho, bhikkhave, cattāro balībaddā. Evamevaṃ kho, bhikkhave, cattāro balībaddūpamā puggalā santo saṃvijjamānā lokasmiṃ. Katame cattāro? Sagavacaṇḍo no paragavacaṇḍo, paragavacaṇḍo no sagavacaṇḍo, sagavacaṇḍo ca paragavacaṇḍo ca, neva sagavacaṇḍo no paragavacaṇḍo.

『『Kathañca , bhikkhave, puggalo sagavacaṇḍo hoti, no paragavacaṇḍo? Idha, bhikkhave, ekacco puggalo sakaparisaṃ ubbejetā hoti, no paraparisaṃ. Evaṃ kho, bhikkhave, puggalo sagavacaṇḍo hoti, no paragavacaṇḍo. Seyyathāpi so, bhikkhave, balībaddo sagavacaṇḍo, no paragavacaṇḍo; tathūpamāhaṃ, bhikkhave, imaṃ puggalaṃ vadāmi.

『『Kathañca , bhikkhave, puggalo paragavacaṇḍo hoti, no sagavacaṇḍo? Idha, bhikkhave, ekacco puggalo paraparisaṃ ubbejetā hoti, no sakaparisaṃ. Evaṃ kho, bhikkhave, puggalo paragavacaṇḍo hoti, no sagavacaṇḍo. Seyyathāpi so, bhikkhave, balībaddo paragavacaṇḍo, no sagavacaṇḍo; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo sagavacaṇḍo ca hoti paragavacaṇḍo ca? Idha, bhikkhave, ekacco puggalo sakaparisaṃ ubbejetā hoti paraparisañca. Evaṃ kho, bhikkhave, puggalo sagavacaṇḍo ca hoti paragavacaṇḍo ca. Seyyathāpi so, bhikkhave, balībaddo sagavacaṇḍo ca paragavacaṇḍo ca; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo neva sagavacaṇḍo hoti no paragavacaṇḍo? Idha, bhikkhave, ekacco puggalo neva sakaparisaṃ ubbejetā hoti, no paraparisañca. Evaṃ kho, bhikkhave, puggalo neva sagavacaṇḍo hoti, no paragavacaṇḍo. Seyyathāpi so, bhikkhave, balībaddo neva sagavacaṇḍo, no paragavacaṇḍo; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro balībaddūpamā puggalā santo saṃvijjamānā lokasmi』』nti. Aṭṭhamaṃ.

Rukkhasuttaṃ
『『Cattārome, bhikkhave, rukkhā. Katame cattāro? Pheggu phegguparivāro, pheggu sāraparivāro, sāro phegguparivāro, sāro sāraparivāro – ime kho, bhikkhave, cattāro rukkhā. Evamevaṃ kho, bhikkhave, cattāro rukkhūpamā puggalā santo saṃvijjamānā lokasmiṃ. Katame cattāro? Pheggu phegguparivāro, pheggu sāraparivāro, sāro phegguparivāro, sāro sāraparivāro.

『『Kathañca , bhikkhave, puggalo pheggu hoti phegguparivāro? Idha, bhikkhave, ekacco puggalo dussīlo hoti pāpadhammo; parisāpissa hoti dussīlā pāpadhammā. Evaṃ kho, bhikkhave, puggalo pheggu hoti phegguparivāro. Seyyathāpi so, bhikkhave, rukkho pheggu phegguparivāro; tathūpamāhaṃ, bhikkhave, imaṃ puggalaṃ vadāmi.

『『Kathañca , bhikkhave, puggalo pheggu hoti sāraparivāro? Idha, bhikkhave, ekacco puggalo dussīlo hoti pāpadhammo; parisā ca khvassa hoti sīlavatī kalyāṇadhammā. Evaṃ kho, bhikkhave, puggalo pheggu hoti sāraparivāro. Seyyathāpi so, bhikkhave, rukkho pheggu sāraparivāro; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo sāro hoti phegguparivāro? Idha, bhikkhave, ekacco puggalo sīlavā hoti kalyāṇadhammo; parisā ca khvassa hoti dussīlā pāpadhammā. Evaṃ kho, bhikkhave, puggalo sāro hoti phegguparivāro. Seyyathāpi so, bhikkhave, rukkho sāro phegguparivāro; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo sāro hoti sāraparivāro? Idha bhikkhave, ekacco puggalo sīlavā hoti kalyāṇadhammo; parisāpissa hoti sīlavatī kalyāṇadhammā. Evaṃ kho, bhikkhave, puggalo sāro hoti sāraparivāro. Seyyathāpi so, bhikkhave, rukkho sāro sāraparivāro; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro rukkhūpamā puggalā santo saṃvijjamānā lokasmi』』nti [pu. pa. 170]. Navamaṃ.

Āsīvisasuttaṃ
"諸比丘，有四種公牛。哪四種？對自己的牛群兇暴但對他人的牛群不兇暴的，對他人的牛群兇暴但對自己的牛群不兇暴的，對自己和他人的牛群都兇暴的，對自己和他人的牛群都不兇暴的——諸比丘，這就是四種公牛。同樣地，諸比丘，世間上有四種如公牛的人存在。哪四種？對自己的牛群兇暴但對他人的牛群不兇暴的，對他人的牛群兇暴但對自己的牛群不兇暴的，對自己和他人的牛群都兇暴的，對自己和他人的牛群都不兇暴的。 "諸比丘，怎樣的人是對自己的牛群兇暴但對他人的牛群不兇暴的呢？在這裡，諸比丘，某人恐嚇自己的隨眾，但不恐嚇他人的隨眾。諸比丘，這樣的人就是對自己的牛群兇暴但對他人的牛群不兇暴的。諸比丘，就像那對自己的牛群兇暴但對他人的牛群不兇暴的公牛；諸比丘，我說這個人就是如此。 "諸比丘，怎樣的人是對他人的牛群兇暴但對自己的牛群不兇暴的呢？在這裡，諸比丘，某人恐嚇他人的隨眾，但不恐嚇自己的隨眾。諸比丘，這樣的人就是對他人的牛群兇暴但對自己的牛群不兇暴的。諸比丘，就像那對他人的牛群兇暴但對自己的牛群不兇暴的公牛；諸比丘，我說這個人就是如此。 "諸比丘，怎樣的人是對自己和他人的牛群都兇暴的呢？在這裡，諸比丘，某人恐嚇自己的隨眾和他人的隨眾。諸比丘，這樣的人就是對自己和他人的牛群都兇暴的。諸比丘，就像那對自己和他人的牛群都兇暴的公牛；諸比丘，我說這個人就是如此。 "諸比丘，怎樣的人是對自己和他人的牛群都不兇暴的呢？在這裡，諸比丘，某人既不恐嚇自己的隨眾，也不恐嚇他人的隨眾。諸比丘，這樣的人就是對自己和他人的牛群都不兇暴的。諸比丘，就像那對自己和他人的牛群都不兇暴的公牛；諸比丘，我說這個人就是如此。諸比丘，這就是世間上存在的四種如公牛的人。"第八。
樹經
"諸比丘，有四種樹。哪四種？軟木周圍是軟木的，軟木周圍是心材的，心材周圍是軟木的，心材周圍是心材的——諸比丘，這就是四種樹。同樣地，諸比丘，世間上有四種如樹的人存在。哪四種？軟木周圍是軟木的，軟木周圍是心材的，心材周圍是軟木的，心材周圍是心材的。 "諸比丘，怎樣的人是軟木周圍是軟木的呢？在這裡，諸比丘，某人不道德、品行惡劣；他的隨眾也不道德、品行惡劣。諸比丘，這樣的人就是軟木周圍是軟木的。諸比丘，就像那軟木周圍是軟木的樹；諸比丘，我說這個人就是如此。 "諸比丘，怎樣的人是軟木周圍是心材的呢？在這裡，諸比丘，某人不道德、品行惡劣；但他的隨眾有德行、品行良好。諸比丘，這樣的人就是軟木周圍是心材的。諸比丘，就像那軟木周圍是心材的樹；諸比丘，我說這個人就是如此。 "諸比丘，怎樣的人是心材周圍是軟木的呢？在這裡，諸比丘，某人有德行、品行良好；但他的隨眾不道德、品行惡劣。諸比丘，這樣的人就是心材周圍是軟木的。諸比丘，就像那心材周圍是軟木的樹；諸比丘，我說這個人就是如此。 "諸比丘，怎樣的人是心材周圍是心材的呢？在這裡，諸比丘，某人有德行、品行良好；他的隨眾也有德行、品行良好。諸比丘，這樣的人就是心材周圍是心材的。諸比丘，就像那心材周圍是心材的樹；諸比丘，我說這個人就是如此。諸比丘，這就是世間上存在的四種如樹的人。"第九。
毒蛇經
『『Cattārome, bhikkhave, āsīvisā [āsivisā (ka.) pu. pa. 163]. Katame cattāro? Āgataviso na ghoraviso, ghoraviso na āgataviso, āgataviso ca ghoraviso ca, nevāgataviso na ghoraviso – ime kho, bhikkhave, cattāro āsīvisā. Evamevaṃ kho, bhikkhave, cattāro āsīvisūpamā puggalā santo saṃvijjamānā lokasmiṃ. Katame cattāro? Āgataviso na ghoraviso, ghoraviso na āgataviso , āgataviso ca ghoraviso ca, nevāgataviso na ghoraviso.

『『Kathañca, bhikkhave, puggalo āgataviso hoti, na ghoraviso? Idha, bhikkhave, ekacco puggalo abhiṇhaṃ kujjhati. So ca khvassa kodho [kopo (ka.) pu. pa. 163] na dīgharattaṃ anuseti. Evaṃ kho , bhikkhave, puggalo āgataviso hoti, na ghoraviso. Seyyathāpi so, bhikkhave, āsīviso āgataviso, na ghoraviso; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo ghoraviso hoti, na āgataviso? Idha, bhikkhave, ekacco puggalo na heva kho abhiṇhaṃ kujjhati. So ca khvassa kodho dīgharattaṃ anuseti. Evaṃ kho, bhikkhave, puggalo ghoraviso hoti, na āgataviso. Seyyathāpi so, bhikkhave, āsīviso ghoraviso, na āgataviso; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo āgataviso ca hoti ghoraviso ca? Idha, bhikkhave, ekacco puggalo abhiṇhaṃ kujjhati. So ca khvassa kodho dīgharattaṃ anuseti. Evaṃ kho, bhikkhave, puggalo āgataviso ca hoti ghoraviso ca. Seyyathāpi so, bhikkhave, āsīviso āgataviso ca ghoraviso ca; tathūpamāhaṃ, bhikkhave, imaṃ puggalaṃ vadāmi.

『『Kathañca, bhikkhave, puggalo nevāgataviso hoti na ghoraviso? Idha, bhikkhave, ekacco puggalo na heva kho abhiṇhaṃ kujjhati. So ca khvassa kodho na dīgharattaṃ anuseti. Evaṃ kho, bhikkhave, puggalo nevāgataviso hoti, na ghoraviso. Seyyathāpi so, bhikkhave, āsīviso nevāgataviso na ghoraviso; tathūpamāhaṃ, bhikkhave, imaṃ puggalaṃ vadāmi. Ime kho, bhikkhave, cattāro āsīvisūpamā puggalā santo saṃvijjamānā lokasmi』』nti. Dasamaṃ.

Valāhakavaggo paṭhamo.

"諸比丘，有四種毒蛇。哪四種？毒性強但不兇猛的，兇猛但毒性不強的，既毒性強又兇猛的，既不毒性強也不兇猛的——諸比丘，這就是四種毒蛇。同樣地，諸比丘，世間上有四種如毒蛇的人存在。哪四種？毒性強但不兇猛的，兇猛但毒性不強的，既毒性強又兇猛的，既不毒性強也不兇猛的。 "諸比丘，怎樣的人是毒性強但不兇猛的呢？在這裡，諸比丘，某人經常生氣。但他的憤怒不會長時間持續。諸比丘，這樣的人就是毒性強但不兇猛的。諸比丘，就像那毒性強但不兇猛的毒蛇；諸比丘，我說這個人就是如此。 "諸比丘，怎樣的人是兇猛但毒性不強的呢？在這裡，諸比丘，某人不經常生氣。但他的憤怒會長時間持續。諸比丘，這樣的人就是兇猛但毒性不強的。諸比丘，就像那兇猛但毒性不強的毒蛇；諸比丘，我說這個人就是如此。 "諸比丘，怎樣的人是既毒性強又兇猛的呢？在這裡，諸比丘，某人經常生氣。而且他的憤怒會長時間持續。諸比丘，這樣的人就是既毒性強又兇猛的。諸比丘，就像那既毒性強又兇猛的毒蛇；諸比丘，我說這個人就是如此。 "諸比丘，怎樣的人是既不毒性強也不兇猛的呢？在這裡，諸比丘，某人不經常生氣。而且他的憤怒不會長時間持續。諸比丘，這樣的人就是既不毒性強也不兇猛的。諸比丘，就像那既不毒性強也不兇猛的毒蛇；諸比丘，我說這個人就是如此。諸比丘，這就是世間上存在的四種如毒蛇的人。"第十。云品第一。

Tassuddānaṃ –

Dve valāhā kumbha-udaka, rahadā dve honti ambāni;

Mūsikā balībaddā rukkhā, āsīvisena te dasāti.

其摘要如下：兩個云，瓶，水，兩個池，兩個芒果；老鼠，公牛，樹，以毒蛇為第十。