B0102050105maṅgalasuttaṃ（吉祥經）

  1. Maṅgalasuttaṃ

  2. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho aññatarā devatā abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ gāthāya ajjhabhāsi –

2.

『『Bahū devā manussā ca, maṅgalāni acintayuṃ;

Ākaṅkhamānā sotthānaṃ, brūhi maṅgalamuttamaṃ』』.

3.

『『Asevanā ca bālānaṃ, paṇḍitānañca sevanā;

Pūjā ca pūjaneyyānaṃ [pūjanīyānaṃ (sī. syā. kaṃ. pī.)], etaṃ maṅgalamuttamaṃ.

4.

『『Patirūpadesavāso ca, pubbe ca katapuññatā;

Attasammāpaṇidhi [atthasammāpaṇīdhī (katthaci)] ca, etaṃ maṅgalamuttamaṃ.

5.

『『Bāhusaccañca sippañca, vinayo ca susikkhito;

Subhāsitā ca yā vācā, etaṃ maṅgalamuttamaṃ.

6.

『『Mātāpitu upaṭṭhānaṃ, puttadārassa saṅgaho;

Anākulā ca kammantā, etaṃ maṅgalamuttamaṃ.

7.

『『Dānañca dhammacariyā ca, ñātakānañca saṅgaho;

Anavajjāni kammāni, etaṃ maṅgalamuttamaṃ.

8.

『『Āratī viratī pāpā, majjapānā ca saṃyamo;

Appamādo ca dhammesu, etaṃ maṅgalamuttamaṃ.

9.

『『Gāravo ca nivāto ca, santuṭṭhi ca kataññutā;

Kālena dhammassavanaṃ [dhammassāvaṇaṃ (ka. sī.), dhammasavanaṃ (ka. sī.)], etaṃ maṅgalamuttamaṃ.

10.

『『Khantī ca sovacassatā, samaṇānañca dassanaṃ;

Kālena dhammasākacchā, etaṃ maṅgalamuttamaṃ.

11.

『『Tapo ca brahmacariyañca, ariyasaccāna dassanaṃ;

Nibbānasacchikiriyā ca, etaṃ maṅgalamuttamaṃ.

12.

『『Phuṭṭhassa lokadhammehi, cittaṃ yassa na kampati;

Asokaṃ virajaṃ khemaṃ, etaṃ maṅgalamuttamaṃ.

  1. 吉祥經
  2. 如是我聞：一時，世尊住在舍衛城（今尼泊爾薩赫特·馬赫特）祇樹給孤獨園。爾時，有一位天神在深夜時分，以殊勝的容色照亮整個祇樹園，來到世尊跟前。來到后，向世尊禮敬，然後站在一旁。站在一旁的那位天神以偈頌對世尊說道： 2. "眾多天與人， 思慮諸吉祥； 希求得安樂， 請說最吉祥。" 3. "遠離諸愚人， 親近諸智者； 供養當供者， 此為最吉祥。 4. "居住適宜處， 往昔修福德； 正確自導向， 此為最吉祥。 5. "廣學及技藝， 善修諸律儀； 所說皆善語， 此為最吉祥。 6. "奉侍父與母， 愛護妻與子； 工作不混亂， 此為最吉祥。 7. "佈施修正法， 攝受諸親族； 所行無過失， 此為最吉祥。 8. "遠離與止惡， 節制飲酒物； 正法不放逸， 此為最吉祥。 9. "恭敬與謙遜， 知足並感恩； 適時聞正法， 此為最吉祥。 10. "忍耐易受教， 得見諸沙門； 適時論正法， 此為最吉祥。 11. "苦行梵行活， 得見聖諦理； 實證於涅槃， 此為最吉祥。 12. "世法所觸時， 其心不動搖； 無憂離垢安， 此為最吉祥。"

13.

『『Etādisāni katvāna, sabbatthamaparājitā;

Sabbattha sotthiṃ gacchanti, taṃ tesaṃ maṅgalamuttama』』nti.

Maṅgalasuttaṃ niṭṭhitaṃ.

13. "如是修行者， 處處皆不敗； 一切得安樂， 此為彼等最吉祥。" 吉祥經終。